Isahluko 28
AmaZoramayithi kunye neRameyamptam
AmaNifayithi ayefuna ukuwathintela amaZoramayithi ekuzimanyeni namaLeymenayithi, ngoko u-Alma waye wahamba nabanye abavangeli ukuya kushumayela ilizwi likaThixo kumaZoramayithi.
Aba bavengeli bamangala kwaye bakhathazeka yindlela amaZoramayithi ayenqula ngayo emabandleni awo, awabiza izindlu zesikhungo.
Embindini wendlu yesikhungo, amaZoramayithi aye akha iqonga eliphezulu elibizwa iRameyamptam. Kwakukho igumbi lomntu omnye onokuma ngaphezulu.
AmaZoramayithi ayethatha amathuba okuma khona, ebhekisa ezulwini kwaye ngengxolo ecengceleza umthandazo omnye.
Kulo mthandazo, amaZoramayithi ayesithi uThixo akanawo umzimba; ungumoya kuphela. Kwaye ayesithi akusayi kubakho Krestu.
AmaZoramayithi ayecinga ukuba uThixo wayekhethe wona kuphela ukuba asindiswe ebukumkanini basezulwini. Anikela imibulelo ngokuba angabantu abazintandane.
Emveni kokuba umZoramayithi ngamnye ethandazile, bahamba baya emakhaya kwaye abangaze baphinde bathandaze okanye bathethe ngoThixo kwakhona kangangeveki yonke.
Izityebi zamaZoramayithi zazithanda igolide nesilivere, kwaye zaziqhayisa ngobutyebi bazo behlabathi. U-Alma wakhathazeka akubona indlela ababesenza ububi ngayo.
U-Alma wathandazela yena kunye namaqabane akhe ukuba babenamandla, intuthuzelo, kunye nempumelelo emsebenzini wabo.
Emveni kokucela uncedo ekubuyiseleni amaZoramayithi kwakhona enyanisweni, u-Alma kunye nabanye abavangeli bazaliswa nguMoya Oyingcwele.
Abavangeli baye bahamba iindlela ezahlukeneyo ukuyokushumayela. UThixo wabasikelela ngokutya kwane mpahla kwanokubomeleza emisebenzini yabo.
AmaZoramayithi awayengamahlwempu ayengavumelekanga phakathi kwamabandla. Aba bantu baqalisa ukumamela abavangeli.
Abaninzi babuza u-Alma ukuba benzeni na. U-Alma wabaxelela ukuba kwakungafuneki ukuba babe ngaphakathi kwebandla ukuze bathandaze okanye banqule uThixo.
Wabaxelela ukuba babenokholo kuThixo. Waza u-Amyuleki wabafundisa ngoYesu Krestu kwanangecebo likaThixo labantwana bakhe.
Abavangeli baye bahamba, kwaye amaZoramayithi awayethe abakholelwa aye aphoselwa ngaphandle kwesixeko. Abakholwayo bahamba bayokuhlala kwilizwe likaYershan kunye nabantu baka-Amon.
Nangona amaZoramayithi angendawo ayegrogrisa abantu baka-Amon, abantu baka-Amon banceda amaZoramayithi angamalungisa kwaye bawanika ukutya, iimpahla, kwakunye nomhlaba.