Isahluko 31
UKhapteni UMORONAYI Uhlula uZerahemna
AmaNifayithi wona ayefuna ukugcina umhlaba wawo kunye neentsapho zawo zikhululekile. Ayekwafuna ukukhululeka ekunqeleni uThixo.
UKhapteni uMoronayi wayeyinkokheli yomkhosi wamaNifayithi. Xa amaLeymenayithi ayesiza kulwa, uMoronayi nemikhosi yakhe badibana nawo kwilizwe laseYershan.
UKhapteni uMoronayi wayelungiselele umkhosi wakhe ngezixhobo, amakhaka, izikrweqe neempahla ezilushiqa.
AmaLeymenayithi ayenomkhosi omkhulu kodwa ayesoyika xa ayebona izikrweqe zamaNifayithi-amaLeymenayithi ayenxibe impahla encinane.
Umkhosi wamaLeymenayithi awuzange ubenobunganga bokulwa nomkhosi kaKhapteni Moronayi. AmaLeymenayithi abalekela entlango kwaye agqiba kwelokuba ahlasele isixeko samaNifayithi esahlukileyo.
UMoronayi wathumela iintlola ukuba zijonge amaLeymenayithi. Waye wacela u-Alma athandazele uncedo kwiNkosi. INkosi yaye yaxelela u-Alma apho amaLeymenayithi ayezakuhlasela khona.
Xa uMoronayi wayefumana umyalezo ka-Alma, waye washiya amanye amajoni ukuba akhusele iYershan kwaye wahamba naseleyo wayokuqubisana namaLeymenayithi.
Amajoni kaKhapteni Moronayi azimela macala omabini omlambo iTsidon, alindela ukuthiyela umkhosi wamaLeymenayithi.
Umlo waqalisa, kwaye amaLeymenayithi azama ukubaleka ngokuwela umlambo, kodwa uninzi lwamaNifayithi lwaluwalindile kwelinye icala.
Besilwa nzima kunanga phambili, uZarahemna nomkhosi wakhe babulala amaNifayithi amaninzi. AmaNifayithi akhalela eNkosini efuna uncedo.
INkosi yawomeleza umkhosi wamaNifayithi. Umkhosi wawangqonga amaLeymenayithi, kwaye uMoronayi wayalela umlo ukuba ume.
UMoronayi waxelela uZerahemna ukuba amaNifayithi ayengafuni ukubulala amaLeymenayithi okanye awenze amakhoboka awo.
UMoronayi wathi amaLeymenayithi ayengenako ukutshabalalisa ukholo lwamaNifayithi kuYesu Krestu. Wathi uThixo wayeyakuqhubeka nokuwanceda amaNifayithi alwe ukuba ayenyanisekile.
UMoronayi wayalela uZerahemna ukuba anikezele ngezixhobo zakhe. Wathi amaLeymenayithi akasayi kubulawa xa enokuthembisa ukuba awasokuze aphinde alwe namaNifayithi.
UZerahemna wanikezela ngezixhobo zakhe kuMoronayi kodwa akathembisa kungalwi. UMoronayi waphindisela izixhobo emva khon’ukuze amaLeymenayithi abenokukwazi ukuzikhusela.
UZerahemna wabalekela kuMoronayi azakumbulala, kodwa ijoni lomNifayithi labetha kwaye lophula ikrele likaZerahemna.
Laze ijoni lasika isikhumba esigqume ukhakhayi lukaZerahemna, lasibeka kwincam yekrele laso, laze lasiphakamisela phezulu.
Wabaxelela ukuba amaLeymenayithi ayakuwa njenge sikhumba esigqume ukhakhayi, ngaphandle kokuba anikezele ngezixhobo zawo kwaye athembise ukungaze aphinde alwe nabo.
AmaLeymenayithi amaninzi abeka izixhobo zawo ezinyaweni zikaMoronayi aza athembisa ngokungalwi. Avunyelwa ukuba ahambe ngokukhululekileyo.
Ngogcwabevu, uZerahemna wawalukuhla aseleyo amajoni ukuba alwe. Amajoni kaMoronayi abulala uninzi lwawo.
Xa uZerahemna ebona ukuba yena kunye namadoda akhe babezakubulawa, wacenga uMoronayi ukuba abenenceba kubo. Waze wathembisa ukungaze aphinde alwe namaNifayithi kwakhona.
UMoronayi wawumisa umlo kwaye wathatha izixhobo zamaLeymenayithi. Emveni kokuba ethembise ukungalwi, amaLeymenayithi aye ahamba.