Isahluko 15

U-Alma Uyafundisa kwaye Uyabhaptiza

U-Alma uyabhala

U-Alma waye wabaleka kwizicaka zikaKumkani uNowa kwaye wazimela kangangeentsuku ezininzi. Xeshikweni wayezimele, waye wabhala phantsi izinto umprofethi u-Abhinadayi awazifundisayo.

Mozaya 17:3–4

U-Alma ufundisa abanye

U-Alma waye waguquka ezonweni zakhe kwaye wahamba waya kumaNifayithi ngokufihlakeleyo, wawafundisa umyalezo ka-Abhinadayi. U-Alma waxelela abantu okokuba babenokholo kuYesu Krestu kwaye baguquke.

Mozaya 18:1, 7

U-Alma

Emini u-Alma wayezimela kudada lwemithana emincinane kufuphi nechibi elalibizwa ngokuba ngaManzi aseMormoni.

Mozaya 18:5

U-Alma ubhapatiza abanye

Abo babethe bakholelwa kwiimfundiso zika-Alma baya eManzini aseMormoni kwaye babhaptizwa. U-Alma wabhaptiza abantu abangama-204 eBandleni likaKrestu.

Mozaya 18:8–10, 16–17

U-Alma umisela ababingeleli

U-Alma wamisela ababingeleli ukuze bafundise abantu. Wayalela ababingeleli ukuba bafundise inguquko kunye nokholo kuYesu Krestu. Waye wabaxelela okokuba kwakungafuneki ukuba baxambulisane kodwa bamanyane.

Mozaya 18:18, 20–21

abantu bayabelana

Abantu baka-Alma babethandana kwaye bencedana. Babesabelana ngento yonke ababenayo kwaye babenombulelo wokokuba babefundile ngoYesu Krestu, uMkhululi wabo.

Mozaya 18:29–30

Izicaka zikaNowa zihlola u-Alma

Izicaka zikaKumkani uNowa zaye zabona u-Alma efundisa abantu. Ukumkani waye wathi u-Alma wayemjikelisa ngamaNifayithi, ngoko ke waye wathumela umkhosi ukuze ubabulale.

Mozaya 18:32–33

U-Alma nabanye bayabaleka

UThixo waye wamlumkisa u-Alma okokuba umkhosi kaKumkani uNowa wawusiza. Abantu baye baqokelela iintsapho zabo, imfuyo yabo, kunye nezinye izinto zabo bafudukela entlango.

Mozaya 18:34; 23:1

Amajoni kaKumkani uNowa

UThixo waye wabomeleza abantu baka-Alma khon’ ukuze bakwazi ukubaleka kumkhosi kaNowa. Umkhosi waye wabakhangela kodwa awuzange ubafumane.

Mozaya 19:1; 23:2

abantu bayatyala

Emveni kokuhamba entlango kangangeentsuku ezisibhozo, abantu baka-Alma baye bafika kwindawo entle eyayimpompoza amanzi acwengileyo kuyo. Apho baye batyala izityalo kwaye bakha nezakhiwo.

Mozaya 23:3–5

U-Alma uthetha nabanye

Abantu babefuna ukuba u-Alma abeyikumkani yabo, kodwa u-Alma wathi uThixo wayengafuni ukuba babenekumkani. UThixo wayefuna okokuba bakhululeke.

Mozaya 23:6–7, 13