Isahluko 34

UHilamani kunye nama-2000 aMajoni angaMagatyana

Abagadi eludongeni

Abantu baka-Amon babethembise uThixo ukuba babengasayi kulwa kwakhona. Bona babehlala kufuphi namaNifayithi, kwaye amaNifayithi ayebakhusela.

Alma 53:10–12

Amadoda athetha noHilamani

Xa iintshaba zabantu baka-Amon zahlasela amaNifayithi, abantu baka-Amon babefuna ukusophula isithembiso sabo kwaye bancede amaNifayithi ekulweni.

Alma 53:13

UHilamani uthetha neqela

UHilamani kunye nezinye iinkokheli zamaNifayithi babengafuni ukuba abantu baka-Amon bophule isithembiso sabo kuThixo.

Alma 53:14–15

Oonyana babantu baka-Amon

Oonyana abasakhulayo babantu baka-Amon babengasenzanga isithembiso. Bona babefuna ukunceda umkhosi wamaNifayithi ekulweleni inkululeko.

Alma 53:16–17

Ama-2000 amajoni

Amawaka amabini alamadodana akhetha ukukhusela ilizwe lawo. Wona acela uHilamani ukuba abe yinkokheli yawo.

Alma 53:18–19

Amajoni amathathu

La madodana ayekhaliphile, enobugorha, kwaye omelele. Ayekwanyanisekile ethembekile, kwaye eyigcinile imithetho kaThixo.

Alma 53:20–21

UHilamani namajoni wakhe

UHilamani wakhokela ama-2000 wamajoni wakhe angamagatyana ukuya emfazweni. Yena wayebabiza ngokuba ngoonyana bakhe, kwaye bona babembiza ngokuba ngutata wabo.

Alma 53:22; 56:46

UHilamani ukhokela amajoni wakhe

Nangona oonyana bakaHilamani babengazange bakhe balwe, bona babengoyiki. Oomama babo babebafundise ukuba babe nokholo kuThixo kwaye bazi ukuba yena wayeya kubanceda.

Alma 56:47

Amajoni ayalwa

UHilamani noonyana bakhe balwa iimfazwe eziliqela namaLeymenayithi. La madodana ayithobela yonke imiyalelo kaHilamani.

Alma 57:19–21

Amajoni emva kwedabi

Alwa ngobugorha kwaye anceda ekuqhubeleni utshaba kude. Emva kwemfazwe uHilamani wafumanisa ukuba bonke oonyana bakhe babonzakele kodwa kungekho namnye ubuleweyo.

Alma 57:22, 25

UHilamani kunye nejoni

Oku kwakungummangaliso. UHilamani wayonwabela kakhulu loo nto. Yena wayesazi ukuba la madodana ayekhuselwe ngenxa yokholo lwawo olukhulu kuThixo.

Alma 57:26–27