Isahluko 25

U-Aron Ufundisa Utata kaKumkani uLamonayi

U-Aron namaqabane akhe behamba

UMoya waye wakhokelela u-Aron namaqabane akhe kwilizwe likaNifayi ukuya kufundisa uyise kaLamonayi, ukumkani phezu kwawo onke amaLeymenayithi.

Alma 22:1

U-Aron ethetha nekumkani

U-Aron waxelela ukumkani ukuba ungumntakwabo Amon. Ukumkani wayecinga ngobubele buka-Amon kwanangento u-Amon awayeyitshilo kuye.

Alma 22:2–3

U-Aron ethetha nekumkani

U-Aron wambuza ukumkani ukuba uyakholelwa na kuThixo. Ukumkani wathi wayengaqinisekanga kodwa wathi uyakholelwa ukuba u-Aron wayethe uThixo uyaphila. U-Aron waqinisekisa ukumkani ukuba uThixo uyaphila

Alma 22:7–8

U-Aron efundela ikumkani izibhalo

U-Aron wafundela ukumkani izibhalo . Wamfundisa ngokudalwa komhlaba, ngokuwa kuka-Adam kwanomsebenzi kaYesu Krestu.

Alma 22:12–14

ikumkani ithhetha no-Aron

Ukumkani wabuza ukuba kwakufuneke enze ntoni ukuba abenoMoya Oyingcwele kwaye azilungiselele ukuphila noThixo. Ukumkani wayelungele ukwenza nantoni na, nkqu nokunikezela nangobukumkani bakhe.

Alma 22:15

U-Aron ethetha nekumkani

U-Aron wamxelela ukumkani ukuba kwakufuneka aguquke ngokupheleleyo kwizono zakhe. Kwakufuneka ukuba athandaze kwaye abenokholo kuThixo.

Alma 22:16

ikumkani ithandaza

Ukumkani wathandazela ukwazi ukuba ngokwenyani uThixo ukhona. Wathi uzakushiya zonke izono zakhe.

Alma 22:17–18

ikumkani iphantsi

Ukumkani wawa phantsi wabonakala ngokungathi ufile. Yathi yakumbona ikumkanikazi yacinga ukuba u-Aron namaqabane baye bambulala.

Alma 22:19

ukumkanikazi iyalela izicaka

Ikumkanikazi yayalela izicaka zayo ukuba zibulale u-Aron namaqabane akhe, kodwa izicaka zoyika ukwenza oko. Wazithuma ukuba ziyokukhangela abanye abantu ababenokukwazi ukwenza oko.

Alma 22:20–21

U-Aron eyalela ikumkani ivuke

Phambi kokuba isihlwele esikhulu sihlangane kwaye sibange inkathazo, u-Aron wabamba isandla sekumkani wamyalela ukuba apahakame. Ukumkani wema.

Alma 22:22

ikumkani ithomalalisa umkayo

Ukumkani wathomalalisa umkayo owoyikayo nezicaka zakhe waze wabafundisa ivangeli. Bonke bakholelwa kuYesu Krestu.

Alma 22:23