Isahluko 17

U-Alma kunye Nabantu Bakhe Bayaqhwesha

abantu besebenza emadlelweni

Ngenye imini ngexa abantu baka-Alma babesebenza emadlelweni abo, umkhosi wamaLeymenayithi wanqumla umda wangena ezweni labo.

Mozaya 23:25

U-Alma ethetha nabantu

AmaNifayithi ayesoyika kwaye abalekela esixekweni elukhuselweni. U-Alma wawaxelela ukuba amkhumbule uThixo kwaye uyakuwanceda. AmaNifayithi aqalisa ukuthandaza.

Mozaya 23:26–28

U-Alma ethetha namaLeyimenayithi

INkosi yazithambisa iintliziyo zamaLeymenayithi, kwaye akazange awonzakalise amaNifayithi. AmaLeymenayithi ayelahlekile ngelilixa ayezama ukufumana abantu bakaKumkani uLimhayi.

Mozaya 23:29–30

U-Alma ebonisa AmaLeyimenayithi indlela yokugoduka

AmaLeymenayithi athembisa u-Alma ukuba akazoku bahlupha abantu bakhe ukuba angawaxelela ukuba angabuyela njani ezweni lawo. U-Alma wawabonisa indlela.

Mozaya 23:36

AmaLeymenayithi ekhusele abantu baka-Alma

Kodwa amaLeymenayithi awabanga nakusigcina isithembiso sawo. Abekaabagadi alirhangqa ilizwe, u-Alma nabantu bakhe bebengasakhululekanga.

Mozaya 23:37

U-Amyulon ethetha nomlindi womLeymenayithi

Ikumkani yamaLeymenayithi yenza u-Amyuloni umlawuli phezu kwabantu baka-Alma. U-Amyuloni waye ngumNifayithi kwaye engumenzi wobubi wababingeleli bakaKumkani uNowa.

Mozaya23:39; 24:8–9

U-Amyuloni ebukele abantu besebenza

U-Amyuloni wenza abantu baka-Alma basebenze nzima kakhulu. Bathandazela uncedo, kodwa u-Amyuloni wathi nabanina obanjwe ethandaza uyakuthi abulawe. Abantu baqhubekeka bethandaza ezintliziyweni zabo.

Mozaya 24:10–12

inkwenkwana iphethe ibhasikethi

UThixo wayiva imithandazo yabo waza wabomeleza abantu ukuze imithwalo yabo ibonakale ilula. Abantu baba nochulumanco nomonde.

Mozaya 24:14–15

U-Thixo ethetha no-Alma

UThixo wavuya kuba abantu babenyanisekile. Waxelela u-Alma ukuba uyakuba nceda baqhweshe kumaLeymenayithi.

Mozaya 24:16–17

abantu baka-Alma beqhwesha

Ngexesha lasebusuku abantu baqokelela ukutya nemfuyo yabo. Ngentsasa elandelayo uThixo wawagcina amaLeymenayithi elele ngexa u-Alma nabantu bakhe besishiya isixeko.

Mozaya 24:18–20

ukumkani uMozaya esamkela u-Alma

Emveni kokuhamba iintsuku ezi -12, abantu bafika eZarahemla, apho uKumkani uMozaya nabantu bakhe babamkelayo.

Mozaya 24:25