Isahluko 23

U-Amon: Isicaka Esikhulu

Oonyana bakaMozaya behamba

Oonyana abane bakaMozaya bashiya iZarahemla ukuya kufundisa amaLeymenayithi ivangeli. Omnye ngamnye waya kwisixeko esahlukileyo.

Alma 17:12–13

U-Amon ebanjwa

U-Amon waya kwilizwe lika-Ishmayeli. Njengoko wayengena kwisixeko, amaLeymenayithi ambophelela aze amsa kwikumkani yabo, uLamonayi.

Alma 17:20–21

ULamoniyi no-Amon

U-Amon waxelela uKumkani uLamonayi ukuba wayefuna ukuhlala namaLeymenayithi. ULamonayi wayivuyela loo nto waza wenza amadoda akhe ukuba amkhulule u-Amon.

Alma 17:22–24

U-Amon elinda imfuyo

U-Amon wathi uzakuba ngesinye sezicaka zekumkani. Ikumkani yamthumela ukuba ayokujonga imfuyo yakhe.

Alma 17:25

AmaLeyimenathi esasaza imfuyo

Minazana ithile u-Amon kwakunye nezinye izicaka babesisa imfuyo emanzini, izihange zamaLeymenayithi zayidunga imfuyo zizama nokuyiba.

Alma 17:26–27; 18:7

Izicaka no-Amon

Izicaka ezazino Amon zoyika. Ngaphambili uKumkani uLamonayi wayezibulala ezinye zezicaka ezaphulukana nemfuyo yakhe kwezi zihange.

Alma 17:28

U-Amon

U-Amon wayesazi ukuba eli yayilithuba lakhe lokusebenzisa amandla kaThixo ukuzuza iintliziyo zamaLeymenayithi. Bayakuthi baphulaphule iimfundiso zakhe.

Alma 17:29

U-Amon uthetha nezicaka

U-Amon waxelela izicaka ukuba ziqokelela imfuyo eyayidunga-dungiwe, ikumkani yayingazu kubabulala

Alma 17:31

U-Amon eqokelela imfuyo

U-Amon nezinye izicaka ngokukhawuleza bayifumana imfuyo bayiqhubela emva endaweni yamanzi.

Alma 17:32

U-Amon uthetha nezicaka

Izihange zamaLeymenayithi zaphinda zabuya. U-Amon waxelela ezinye izicaka ukuba zijongane nomhlambi ngelilixa wayelwisa izihange.

Alma 17:33

izihange

Izihange zamaLeymenayithi zazingamoyiki u-Amon. Zazicinga ukuba zazingambulala lula.

Alma 17:35

U-Amon ebulala izihange

Amandla kaThixo ayenaye u-Amon. Waxuluba ngamatye waza wabulala ezinye zezihange, loo nto yenza eziseleyo izihange zicaphuke kakhulu.

Alma 17:35–36

U-Amon esilwa nezihange

Zazama ukumbulala u-Amon ngamagqudu azo, kodwa qho xa isihange ngasinye siphakamisa igqudu sifuna ukubetha u-Amon, wasinqumla ingalo. Ngoloyiko, izihange zabaleka.

Alma 17:36–38

izicaka zithetha nekumkani

Izicaka zathatha iingalo ezo zazishunquliwe zazizisa kuKumkani uLamonayi kwaye zamxelela oko u-Amon athe wakwenza.

Alma 17:39; 18:1

Ukumkani uLamonayi

UKumkani wamangaliswa ngamandla amakhulu ka-Amon. Wayefuna ukubona u-Amon kodwa wayesoyika kuba wayecinga u-Amon unguMoya Onamandla.

Alma 18:2–4, 11

ukumkani uyacingisisa

Xa u-Amon wangena eyokumbona, uKumkani uLamonayi wayengayazi into amakayithethe. Akazange athethe kangange yure.

Alma 18:14

U-Amon eshumayela

UMoya Oyingcwele wanceda u-Amon ukuba ayazi ukuba ukumkani ucinga ntoni. U-Amon wacacisa ukuba wayengenguye Umoya Onamandla. Waye ngumntu.

Alma 18:16–19

Ukumkani uLamonayi ethetha no-Amon

Ukumkani wathi uyakumnika nantoni na u-Amon awayeyifuna ukuba wayengamxelela ngamandla waphi athe wawasebenzisa ukweyisa izihange nawenze azi iingcinga zekumkani.

Alma 18:20–21

Ukumkani uLamonayi ethetha no-Amon

U-Amon wathi inye into ewayeyifuna yeyokukuba ukumkani uLamonayi akholelwe kwinto ayakuthi ayithethe. Ukumkani wathi uyakukholelwa yonke into u-Amon ayakumxelela yona.

Alma 18:22–23

Ukumkani uLamonayi ethetha no-Amon

U-Amon wabuza uKumkani uLamonayi ukuba uyakholelwa kuThixo. Ukumkani wathi ukholelwa kuMoya Onamandla.

Alma 18:24–27

U-Amon efundisa uLamonayi

U-Amon wathi uMoya Onamandla nguThixo, ngokuba wadala into yonke esezulwini kwanesemhlabeni, kwaye uyazazi iingcinga zabantu.

Alma 18:28–32

U-Amon efundisa uLamonayi

U-Amon wathi abantu badalwe ngokomfanekiselo kaThixo. Waye wathi ukuba uThixo umbizile ukuba afundise ivangeli kuLamonayi nabantu bakhe.

Alma 18:34–35

U-Amon efundisa ngezibhalo

Esebenzisa izibhalo, u-Amon wafundisa uKumkani uLamonayi ngeNdalo, ngo-Adam, nangoYesu Krestu.

Alma 18:36, 39

ULamonayi ethandaza

UKumkani uLamonayi wamkholelwa u-Amon waza wathandazela ukuxolelwa kwezono zakhe. Wandula wawela phantsi wabonakala ngathi ufile.

Alma 18:40–42

izicaka zenkosi

Izicaka zayithwala ikumkani ukuya kumkayo zaza zamlalisa ebhedini. Emva kweentsuku ezimbini izicaka zazicinga ukuba ufile zaze zagqiba kwelokuba zimngcwabe.

Alma 18:43; 19:1

ikumkanikazi ithetha no-Amon

Ikumkanikazi yayingakholelwa ukuba umyeni wayo ufile. Yakuba ivile ngamandla amakhulu ka-Amon, yamcela ancede ukumkani.

Alma 19:2–5

U-Amon ethetha nekumkanikazi

U-Amon wayesazi ukuba uLamonayi wayephantsi kwamandla kaThixo. Wayixelela ikumkanikazi ukuba uLamonayi wayeyakuvuka ngosuku olulandelayo.

Alma 19:6–8

ULamonayi evuka

Wahlala ecaleni kukaLamonayi ubusuku bonke. Kusuku olulandelayo uLamonayi waphakama wathi umbonile uYesu Krestu. Ukumkani nokumkanikazi babezele nguMoya Oyingcwele.

Alma 19:11–13

ULamonayi ebhapatizwa

ULamonayi wafundisa abantu bakhe ngoThixo nangoYesu Krestu. Abo bathe bakholwa baye baguquka baza babhapatizwa.

Alma 19:31, 35