Isahluko 45
UYesu Krestu Ufundisa Ngomthendeleko Kunye Nomthandazo
Bakube abafundi bebuyile, uMsindisi waqhekeza isonka sangamaqhekeza kwaye wasisikelela. Wanikezela ngesinye kubafundi bakhe kwaye wenza ukuba banikezele esinye saso ebantwini.
UYesu watsho ukuba abantu abathabatha umthendeleko bathembisa ukusoloko bemkhumbula kunye nedini lakhe. Baye bafumane uMoya wakhe.
UYesu Krestu wasikelela iwayini kwaye wanikezela ngenye kubafundi bakhe. Abafundi banikezela ngenye iwayini ebantwini.
UYesu wathi abo bathabatha umthendeleko bathembisa ukugcina imithetho yakhe.
UYesu kwakhona waxelela abafundi bakhe ukuba wonke umntu othabatha umthendeleko kwaye esoloko emkhumbula uyakuba noMoya wakhe.
Waxelela abafundi bakhe ukuba babeza kusikelelwa ukuba babeyigcina imithetho yakhe.
Wabaxelela ukuba bathandaze rhoqo kwaye bathandaze njengoko babembone ethandaza.
UMsindisi waxelela onke amaNifayithi ukuba athandaze kuBawo oseZulwini ngegama lakhe. Wayekwawayalele ukuba athandaze neentsapho zawo.
Wathi abantu kufuneka bahlangane bonke rhoqo. Kwakumele bamkele abanye kwimihlangano yabo, babathandazele, kwaye babengumzekelo olungileyo kubo.
UMsindisi wanika abafundi bakhe amandla okunikezela ngoMoya oyiNgcwele. Kwaza ilifu lagubungela abantu kangangokuba ngabafundi kuphela ababona uYesu Krestu esiya phezulu ezulwini.