Isahluko 4

Amacwecwe Obhedu

ULihayi uthetha noNifayi

ULihayi waxelela uNifayi ukuba iNkosi yayifuna yena nabantakwabo babuyele eYerusalem. Kwakumele ukuba bayokulanda amacwecwe obhedu kwindoda eyayibizwa ngokuba nguLabhan.

1 Nifayi 3:2–4

amacwecwe obhedu

Amacwecwe obhedu yayizimbali ezazibalulekileyo. Zona zazichaza ngookhokho bakaLihayi kwaye zaziqulathe amazwi kaThixo awayetyhilwe kubaprofethi.

1 Nifayi 3:3, 20

ULeymeni noLemuweli

ULeymeni noLemuweli babengafuni ukubuyela bayokulanda amacwecwe obhedu. Bathi kwakuya kubanzima kakhulu ukwenza oko. Babengenalo ukholo eNkosini.

1 Nifayi 3:5

ULihayi uthetha noNifayi

UNifayi wayefuna ukuthobela iNkosi. Yena wayesazi ukuba iNkosi iya kumnceda nabantakwabo ukuba bafumane amacwecwe obhedu kuLabhan.

1 Nifayi 3:7

ULeymeni, noLemuweli, noSem, kunye noNifayi

ULeymeni, noLemuweli, noSem, kunye noNifayi bahamba babuyela eYerusalem bayokulanda amacwecwe obhedu.

1 Nifayi 3:9

ULeymeni uthetha noLabhan

ULeymeni waya kuLabhan kwaye wamcela ukuba amnike amacwecwe.

1 Nifayi 3:11–12

Uleymeni uyabaleka

ULabhan wabanomsindo kwaye akazange anike uLeymeni amacwecwe obhedu. ULabhan wayefuna ukubulala uLeymeni, kodwa uLeymeni waqhwesha.

1 Nifayi 3:13–14

ULeymeni uthetha nabantakwabo

ULeymeni waxelela abantakwabo into eyenzekileyo. Wayesoyika kwaye wayefuna ukunikezela kwaye babuyele emva kutata wabo entlango.

1 Nifayi 3:14

UNifayi uthetha nabantakwabo

UNifayi wathi babengenakukwazi ukubuyela ngaphandle kwamacwecwe obhedu. Waxelela abantakwabo ukuba babenokholo eNkosini babezokwazi ukuwafumana amacwecwe obhedu.

1 Nifayi 3:15–16

ukuqokelela igolide

UNifayi kunye nabantakwabo baya kwikhaya labo lakudala eYerusalem baqokelela igolide nesilivere ukuze bazitshintshise ngamacwecwe.

1 Nifayi 3:22

ukubonisa kwegolide kuLabhan

Babonisa uLabhan ubutyebi babo kwaye banikela ngabo ngeenzame zokutshintshiselelana ngamacwecwe. Wathi uLabhan akubona igolide nesilivere yabo, wayeyifunela kuye waza wabagxothela ngaphandle.

1 Nifayi 3:24–25

ULabhan uyalatha

ULabhan wayalela amadoda akhe ukuba abulale oonyana bakaLihayi. UNifayi nabantakwabo babaleka kwaye bazifihla emqolombeni. ULabhan wayigcina igolide nesilevere yabo.

1 Nifayi 3:25–27

ULeymeni noLemuweli babetha uNifayi noSem

ULeymeni noLemuweli babanomsindo kuNifayi. Babetha uNifayi noSem ngentonga.

1 Nifayi 3:28

ingelosi iyavela

Ingelosi yavela yaze yaxelela uLeymeni noLemuweli ukuba bayeke. Yathi iNkosi iya kubancedisa ukuba bafumane amacwecwe. Yatsho futhi ukuba uNifayi uya kuba yinkokheli phezu kubantakwabo.

1 Nifayi 3:29

UNifayi uthetha nabantakwabo

UNifayi waxelela abantakwabo ukuba babenokholo eNkosini kwaye bangamoyiki uLabhan namadoda akhe. UNifayi wakhuthaza abantakwabo ukuba babuyele eYerusalem.

1 Nifayi 4:1–4

UNifayi nabantakwabo bayazimela

Ngobo busuku abantakwabo uNifayi bazimela ngaphandle kweendonga zesixeko xeshikweni uNifayi wayechwechwela ngaphakathi. Wahamba waya ngasendlwini kaLabhan.

1 Nifayi 4:5

ULabhan enxilile

Njengoko uNifayi wayesondela endlwini kaLabhan, waye wabona indoda enxilileyo iqungqulizile phantsi. Yayingu Labhan.

1 Nifayi 4:6–8

UNifayi uthatha ikrele likaLabhan

UNifayi wabona ikrele likaLabhan waze waliphakamisa. UMoya oyiNgcwele waxelela uNifayi ukuba abulale uLabhan, kodwa uNifayi wayengafuni kumbulala.

1 Nifayi 4:9–10

UNifayi ubulala uLabhan

UMoya oyiNgcwele waphinda waxelela uNifayi ukuba abulale uLabhan khon’ukuze uNifayi akwazi ukufumana amacwecwe obhedu. Usapho lukaLihayi lwaluwaswele amacwecwe khon’ukuze lufunde ivangeli.

1 Nifayi 4:12, 16–17

UNifayi ezimpahleni zikaLabhan

UNifayi wathobela uMoya oyiNgcwele wambulala uLabhan. UNifayi wanxiba izambatho zikaLabhan kunye nesikrweqe.

1 Nifayi 4:18–19

ULabhan uzenza uLabhan

UNifayi waya kwindlu kaLabhan wadibana noZorami, isicaka sikaLabhan. UNifayi wayekhangeleka kwaye evakala njengo Labhan nqwa.

1 Nifayi 4:20

UNifayi noZorami

Waxelela uZorami ukuba alande amacwecwe obhedu. UZorami wayecinga ukuba uNifayi wayenguLabhan, ngoko ke wamnika amacwecwe. UNifayi waxelela uZorami ukuba amlandele.

1 Nifayi 4:21, 24–25

UNifayi noZorami

ULeymeni, noLemuweli, kunye noSem bathi bakubona uNifayi esiza boyika; babecinga ukuba wayenguLabhan. Baqalisa ukubaleka kodwa bema xa uNifayi ebabiza.

1 Nifayi 4:28–29

UNifayi noZorami

Wathi ke uZorami akubona ukuba uNifayi wayengengoLabhan, wazama ukubaleka. UNifayi wambamba uZorami kwaye wathembisa ukuba akazo kumenzakalisa ukuba wayenokuhamba naye uNifayi asinge entlango.

1 Nifayi 4:30–33

UZorami nobhuti

UZorami wavuma. UNifayi nabantakwabo bathatha uZorami kunye namacwecwe obhedu babuyela kuLihayi noSaraya.

1 Nifayi 4:35, 38

ULihayi noSaraya bonwabile

Banika uLihayi amacwecwe obhedu. Yena noSaraya bavuya kuba oonyana babo babuya bekhuselekile. Bonke bagcoba kwaye babulela kuThixo.

1 Nifayi 5:1, 9

ULihayi ufundela oonyana

ULihayi wawafunda amacwecwe obhedu. Ayechaza ngo-Adam no-Efa kunye nokudalwa kwehlabathi. Ayequlathe amazwi abaprofethi abaninzi.

1 Nifayi 5:10–11, 13

ULihayi noNifayi

ULihayi noNifayi baba novuyo kuba bethobele iNkosi bakwazi ukuba bafumane amacwecwe obhedu.

1 Nifayi 5:20–21

ULihayi upakisha amacwecwe

Usapho lukaLihayi lwathatha amacwecwe obhedu lwahamba nawo khon’ukuze lukwazi ukufundisa abantwana balo imithetho eyayibhalwe emacwecweni.

1 Nifayi 5:21–22