Mwakoro 113
Kaeka nakon tabeua titiraki i aon ana koroboki Itaia, a kaotaki iroun Iotebwa Timiti te Burabeti, i Far West, Missouri ke i rarikina, ni Maati 1838.
1–6, Boton Iete, te mwanga ae roko mai iai, ao wakaan Iete a kaotaki; 7–10, Nikiran Tion ake a maenako iai irouia te kariaiakaki nakon te nakoanibonga ao a weteaki bwa a na oki nakon te Uea.
1 Antai Boton aIete ae e taekinaki ni kiibu 1, 2, 3, 4, ao 5 n te ka-11 ni mwakoro n Itaia?
2 E koaua ae taku te Uea: Bon Kristo.
3 Tera te kai ae e taekinaki n te moan kibu n te ka-11 ni mwakoro n Itaia, ae e na roko man Boton Iete?
4 Nooria, e taku te Uea: Bon te tia mwakuri ni bain Kristo, are kanoan Iete ana itera ao aEberaim naba, ke man te bata are Iotebwa, are ngaia are e anganaki te bmwaaka ae bati.
5 Tera wakaan Iete are e taekinaki n te ka-10 ni kibu n te ka-11 ni mwakoro?
6 Nooria, e taku te Uea, bon kanoan Iete ao Iotebwa naba, are bon ngaiia raoi ae a na taua te nakoanibonga, ao akiingin te abanuea, bwa te bman ni kanikina, ao ibukin cikotakiia au aomata ni boong aika kaitira.
7 Titiraki mai iroun Elias Higbee: Tera nanon te tua n Itaia, ka-52 ni mwakoro, te kibu 1, are e kangai: Karina korakoram, O Tion—ao antai aomata ae e nanonna Itaia?
8 E bon nanoniia naake e na weteia te Atua ni boong aika kaitira, are a na taua mwaakan te nakoanibonga ni manga kaoka aTion, ao kaboan Iteraera; ao ni karina bkorakorana bon katokaan te kariaia n te nakoanibonga, are ngaia, Tion, iai te ckariaia irouna man rikina; ni kaoka naba te mwaaka anne are e a tia ni kabuaa.
9 Tera ae ti riai n oota iai man kabwaraan Tion i bon irouna man kabaean roroana; te ka-2 ni kibu?
10 Ti na oota bwa nikiraia ake a akamaenakoaki a kaungaaki bwa a na boki nakon te Uea man te tabo are a bwaka iai; are ngkana a karaoia, ana berita te Uea bwa e na taetae nakoia, ke n anganiia te kaotioti. Taraa te ka-6, ka-7, ao ka-8 ni kibu. Kabaean roroana bon ana kamaraia te Atua i aona, ke nikiraia Iteraera n aroia ni kamaenakoaki i buakoia Tientaire.