1 Mpe sikawa esalemaki ete esilisaka Alama kotia nsuka yoko ya kolobaka epai ya bato ba eklezia, eye etiamaki o mboka ya Zalayemila, akulisaki banganga mpe bankulutu na kotiaka likolo maboko engebene na molongo mwa Nzambe, mpo ya koyangela mpe kokenge likolo lya eklezia.

2 Mpe esalemaki ete banso baye bazalaki ba eklezia te baye bayambolaki masumu ma bango babatisamaki na boyamboli, mpe bayambamaki o kati ya eklezia.

3 Mpe esalemaki lisusu ete banso baye bazalaki ba eklezia baye bayambolaki te nkuna ya bango mpe bamikitisaki te liboso lya Nzambe—nalingi koloba baye botombwani likolo o lolendo la mitema mya bango—bango kaka babwakamaki, mpe nkombo ya bango elongolamaki mpenza, ete nkombo ya bango etangemaki te o ntei ya iye ya basembo.

4 Mpe boye babandaki kotia molongo mwa eklezia o engumba ya Zalayemila.

5 Sikawa nalingi boyeba ete liloba lya Nzambe lisosolamaki ete liloba lya Nzambe lizalaki nsomi epai ya banso ete moko te azangisama na litomba lya kosangana bangomei mpo ya koyoka liloba lya Nzambe.

6 Nzokande bana ba Nzambe batindisamaki ete basangana bangomei elongo mbala mingi, mpe bakangana o bokili mpe losambo lokasi mpo ya litomba lya bozo bwa baye bayebaki Nzambe te.

7 Mpe sikawa esalemaki ete esalaka Alama mabongisi maye alongwaki uta na bango, iyo, uta na eklezia eye ezalaki o engumba ya Zalayemila, mpe amataki likolo lya esti ya ebale Sidoni, o kati ya lobwaku la Gideona, kuna etongamaki engumba yoko, eye ebiangemaki engumba ya Gideona, eye ezalaki o lobwaku loye lobiangemaki Gideona, kobiangemaka nsima ya nkombo ya moto oyo abomamaki na loboko la Newolo na mopanga.

8 Mpe Alama akendeki mpe abandaki kosakola liloba lya Nzambe epai ya eklezia eye etiamaki o lobwaku la Gideona, engebene na libimisi lya bosolo lya liloba liye lilobamaki na batata ba ye, mpe engebene na molimo mwa bobikuli oyo azalaki na ye, engebene na litatoli lya Yesu Klisto, Mwana Mobali wa Nzambe, oyo akoya mpo ya kosikola bato ba ye uta o masumu ma bango, mpe molongo mosantu na mwango abiangemaki. Mpe boye ekomami. Amene.