Hilamōn ļeo Nejin Hilamōn
Juon rikanaan im rilale ļo̧o̧k ilo Bok in Mormon eo ar katakin armej in Nipai ro. E eaar ļeo jibwin Alma eo Edikļo̧k im jemān riNipai eo me kar leļo̧k n̄an e kajoor ioon aolep lan̄ ko. Ippān ļeo nejin Nipai, Hilamōn ar je bok in Hilamōn.
Bok in Hilamōn
Jebta 1–2 rej kōmmeļeļeik juon iien eļap ebelo̧n̄lo̧n̄ an kien ie. Jebta 3–4 rej ļo̧o̧ke bwe Hilamōn im Moronaia, kapen eo eļap an jarin tariņae ko an riNipai, rekar āliktata maron̄ tōpar aenōm̧m̧an ium̧win jidik iien. Ijoke, jekdo̧o̧n n̄e tōl eo an em̧m̧aan rein rem̧m̧an, armej ro rekar eddekļo̧k wōt ilo nana. Ilo Hilamōn 5:1–6:14 Nipai eaar jijetļo̧k jān jea eo an riekajet, āinwōt jim̧m̧aan Alma ekar kōm̧m̧ane, n̄an katakin armej ro. Ium̧win jidik iien armej ro rekar ukeļo̧k. Ijoke, ilo Hilamōn 6:15–12:26, laļ eo an riNipai ekar kanooj nana. Jebta ko āliktata, 13–16, ewōr ie bwebwenato eo ekabwilōn̄lōn̄ kōn juon rikanaan etan Samuel riLeman eo eo ekar kaniji ļotak im Debwāāl eo an Rilo̧mo̧o̧r im kakōļļe ko me renaaj kar kaalikkar waļo̧k in men kein reļļap.