Mark
Ilo Kallim̧ur Ekāāl, Jon Mark ekar ļeo nejin Meri, eo ekar juokwe ilo Jerusalem (Jerb. 12:12); e emaron̄ barāinwōt kar rilikin (ak man̄den) Barnebas (Kol. 4:10). E ekar etal ippān Paul im Barnebas jān Jerusalem ilo ito-itak in mijenede eo aer m̧oktata im likūt er ilo Perga (Jerb. 12:25; 13:5, 13). Tok ālik eaar etal ippān Barnebas n̄an Saiprōs (Jerb. 15:37–39). E ekar pād ippān Paul ilo Rom (Kol. 4:10; Pail. 1:24), im e ekar pād ippān Piter ilo Babiļon (emaron̄ ilo Rom) (1 Pit. 5:13). Āliktata, ekar pād ippān Timote ilo Epesōs (2 Tim. 4:11).
Gospel eo an Mark
Bok eo kein karuo ilo Kallim̧ur Ekāāl. Gospel eo an Mark emaron̄ kar jeje ium̧win tōl an Piter. E ekar jab errā ilo kōmmeļeļeik bwe Irooj ej eo Nejin Anij emour im ej jerbal ilubwiljin armej. Mark ej kōmmeļeļeiki, kōn kajoor im ettā, jelōt eo Jisōs ekar kōm̧m̧ane ioon ro rej jutak iturin. Bwebwenato ej ba bwe ālikin an Piter mej, Mark eaar loļo̧k Ijipt, kajutake Kabun̄ eo ilo Alexandria, im kar mej jān wōt tōmak eo an.
Kōn juon laajrak in men ko reļļap ilo mour eo an Jisōs Kraist kōm̧eļeļeik ilo Gospel eo an Mark, lale Bōrokuk in Gospel ko ilo appendix eo.