M̧wil Erreo Lale barāinwōt Em̧m̧an, Jejjet, Wānōk; Lejān; Ļōn̄; Men ko an Kanniōk, Mennin Kanniōk, M̧ōm an Kanniōk Erreo in ānbwin an em̧m̧aan im kōrā ko. Josep ar jum̧ae akweļap ko an lio pāleen Potipar, Jen. 39:7–21 (K&B 42:24; 59:6). Kwōn jab ļōn̄, Ex. 20:14. Juon kōrā erreo ej rojen bōran ļeo pāleen, Jabōn 12:4 (Jabōn 31:10). Kom̧ij jab jeļā ke bwe ānbwinnōmi ej tampeļ eo an Jetōb Kwōjarjar, 1 Kor. 6:18–19. Kwōn juon waanjon̄ok in kwōjarjar, 1 Tim. 4:12. Ejjeļo̧k juon men ettoon emaron̄ jokwe ippān Anij, 1 Ni. 10:21. Bwe N̄a, Irooj Anij, Ij m̧ōņōņō ilo m̧wil erreo an kōrā ro, Jekab 2:28. Jero̧wiwi in ļōn̄ ej juon mennin jōjō, Alma 39:1–13. Mwil erreo im wānōk rekanooj aorōktata im utiej ilōn̄in aolep men otemjeļo̧k, Moro. 9:9. Kōmij tōmak ilo erreo ilo ānbwin, Tōmak 1:13.