Ettoon in Ānbwin Lale barāinwōt Lejān; Ļōn̄; Men ko an Kanniōk, Mennin Kanniōk, M̧ōm an Kanniōk M̧ōņōņō im bōk kuņaan ilo ļōn̄, ejej, pālele em̧m̧aan n̄an em̧m̧an, pālele kōrā n̄an kōrā, ak jabdewōt m̧akūtkūt in pālele ko rejjab ekwōjarjar, rōjekkar, ak jab erreo. Jen kaidaak jemād wain, im jen babu ippān, Jen. 19:30–36. Ruben eaar ilo̧k im babu ippān Bila konkubain eo an jemān, Jen. 35:22 (Jen. 49:4; 1 Kron. 5:1). An em̧m̧aan pālele ippān em̧m̧aan āinwōt ippān kōrā im wāween pālele ko raankeke rej juon mennin jōjō, Liv. 18:22–23. Eļan̄n̄e juon em̧m̧aan ej kōm̧akokoik juon kōrā n̄an babu ippān ļeo, ļeo wōt ewōr juon kōn jero̧wiwi, Dut. 22:25–27. Jabdewōt ej kalimjek juon kōrā im mejkaiie ilo̧kan em̧ōj an ļōn̄ ippān kadede ilo būruōn, Matu 5:28 (3 Ni. 12:28). Lejān, ettoon, m̧ōm̧ enana rej kabun̄ n̄an ekjab, Kol. 3:5. Ilo raan ko āliktata armej enaaj jako lukkuun en̄jake ko aer, 2 Tim. 3:1–3. Jero̧wiwi an kanniōk ej juon mennin jōjō, Alma 39:3–5.