Juon Wōt Lale barāinwōt Anij, Doulul in Anij N̄an erom juon ilo ļōmņak, ikdeelel, im kōttōpar m̧oktata ippān Jemād Ilan̄ im Jisōs Kraist, innām ippān Ro Rekwōjarjar. Em̧m̧an n̄an ro jeid im jatid n̄an jokwe ippān doon ilo juon wōt, Sam Ko 133:1. N̄a im Jema kōmro ej juon, Jon 10:30 (K&B 50:43). Jisōs ar jar bwe aolep ren maron̄ juon āinwōt E im Jemān rej juon, Jon 17:11–23 (3 Ni. 19:23). Ij akweļap n̄an kom̧ bwe en ejjeļo̧k ajej ko ilubwiljimi, a bwe kom̧in weeppān ilo koba ippān doon, 1 Kor. 1:10. Kom̧in pen ilo juon ļōmņak im juon bōro, koba ilo men otemjeļo̧k, 2 Ni. 1:21. Ro Rekwōjarjar ren āje ippān doon burueer ilo juon, Mosa. 18:21. Jisōs ar jar kōn juon wōt ilubwiljin rikaļoor in riNipai ro An, 3 Ni. 19:23. Rikaļoor ro rekar juon wōt ilo jar im jitlo̧k ekajoor, 3 Ni. 27:1. Jemān, Nejin, im Jetōb Kwōjarjar rej juon, K&B 20:27–28 (K&B 35:2; 50:43). Ej ami eddo n̄an juon wōt ippān kabun̄ eo em̧ool, K&B 23:7. Jabdewōt kom̧ naaj kajjitōk ilo tōmak, kōnke kom̧ij juon ilo jar, kom̧ naaj bōk, K&B 29:6. Eļan̄n̄e kom̧ij jab juon kom̧ij jab Aō, K&B 38:27. Irooj ar kūr armej ro An Zaion kōnke rekar juon wōt bōro im juon ļōmņak, Moses 7:18.