Kōjakkōlkōl

Piter, Jemes, im Jon raar lo Irooj eaiboojoj im kar oktak im̧aer. Irooj e kar m̧oktaļo̧k kallim̧ur bwe Piter enaaj kar bōki ki ko an aelōn̄ in lan̄ (Matu 16:13–19; 17:1–9; Mark 9:2–10; Luk 9:28–36; 2 Pit. 1:16–18). Ilo men in eļap ar waļo̧k, Rilo̧mo̧o̧r, Moses, im Elias (Ilaija) rekar liļo̧k ki ko an priesthood eo kar kallim̧ur kaki n̄an Piter, Jemes, im Jon. Kōn ki kein an priesthood eo, Rijjilōk Ro rekar bōk kajoor eo n̄an wōnm̧aanļo̧k kōn jerbal eo an aelōn̄ eo ālikin Weaaklōn̄ļo̧k eo an Jisōs.

Josep Smith e kar katakin bwe ioon Toļ in Kōjakkōlkōl, Piter, Jemes, im Jon rekar bar oktak. Raar lo juon visōn in laļ āinwōt an naaj waļo̧k ilo raan ko rej itok ilo jekjek eo eaiboojoj (K&B 63:20–21). Raar lo Moses im Ilaija, ro armej raar oktak ilo būkkinkwōle ilo rom, im kar ron̄ ainikien Jemān. Jemān e ba, “En̄in ej Nejū ejitōnbōro, eo Ij m̧ōņōņō kake E, kom̧in eo̧ron̄ E” (Matu 17:5).