Lōta ko an Paul

Paul ar jei lōta kein n̄an riTessalonika jān Korint ilo ito-itak in mijenede eo an kein karuo. Jerbal eo an ilo Tessalonika em̧ōj kōmmeļeļeiki ilo Jerbal 17. E eaar kōņaan ro̧o̧l n̄an Tessalonika, a ekar jar maron̄ kōm̧m̧an āindein (1 Tes. 2:18). Kōn menin ekar jilkinļo̧k Timote n̄an pikpikūr ņa kōlwan rioktak tok ro im bōktok ennaan eo n̄an e kōn wāween aer pād. Lōta eo kein kajuon ej waļo̧k eo jān an kam̧m̧oolol ke Timote ekar ro̧o̧l. Lōta eo kein karuo ekar jeje ej jab to ālikin iien in.

Paul ar jei lōta kein n̄an riKorint ilo ito-itak in mijenede eo an kein kajilu n̄an uwaaki kajjitōk ko im kajim̧we ebelo̧n̄lo̧n̄ eo ilubwiljin Ro Rekwōjarjar ilo Korint.

Lōta eo n̄an riGaletia emaron̄ kar jeje n̄an elōn̄ ra ko an Kabun̄ eo ilo aolepān Galetia. Jet uwaan Kabun̄ eo rekar kajekdo̧o̧n gospel eo im rie kien eo an riJu. Ilo lōta in, Paul ar kōmmeļeļeik unin kien Moses im aorōk eo an juon kabun̄ ewōr jetōb ie.

Paul ar je lōta eo n̄an riRom jān Korint, jidikin n̄an kōpooj Ro Rekwōjarjar ilo Rom n̄an juon loļo̧k ekar kōjatdikdik in kōm̧m̧ane n̄an loļo̧k er. Lōta in ej barāinwōt kapen katak ko jet riJu raar oktak tok n̄an riKristian rekar jum̧ae.

Paul eaar jei lōta kein ke ekar pād ilo kalbuuj alen kein kajuon ilo Rom.

Paul eaar je lōta in n̄an riPilippai eļaptata n̄an kwaļo̧k an kam̧m̧oolol im an iakwe n̄an Ro Rekwōjarjar ilo Pilippai im n̄an pikpikūr ņa kōlwaer n̄an kabwereer eo jān an to an kalbuuj.

Paul eaar je lōta eo n̄an riKolosse āinwōt juon waļo̧kin juon ennaantok ke Ro Rekwōjarjar ilo Kolosse rekar wōtlo̧k ilo eļap bōd. Rekar tōmak bwe wānōk ej itok jān kanooj kōjparoki kain̄i an tulik wōt im jab kaddōkļo̧k jekjek an Kraist ilo er.

Lōta eo n̄an riEpesōs ekanooj ļap an aorōk, bwe ewōr ie katak ko an Paul kōn Kabun̄ eo an Kraist.

Lōta eo n̄an Pailimōn ej juon lōta n̄an e wōt kōn Onesimōs, juon rikōm̧akoko eo ekar ko̧o̧te karo eo an, Pailimōn im ko ļo̧k n̄an Rom. Paul ar bar jilkinļo̧k Onesimōs n̄an karo eo an ippān juon lōta ej kajjitōk ie bwe ren jeorļo̧k an Onesimōs bōd.

Paul eaar je lōta eo n̄an riHibru n̄an riJu ro uwaan Kabun̄ eo n̄an karreel burueer bwe kien Moses bwe Kien Moses ekar kūrm̧ool ilo Kraist im bwe kein gospel eo an Kraist ekar bōk jikin.

Paul eaar jei lōta kein ālikin an kar rōļo̧k jān kalbuuj ilo Rom alen eo kein kajuon.

Paul ar etal n̄an Epesōs, ijo eaar likūt Timote n̄an kabbōjrak eddekļo̧k in jet jekjek in kajjidede, im kōtmāne tokālik in bar ro̧o̧lļo̧k. Eaar je lōta eo m̧okta n̄an Timote, emaron̄ jān Masedonia, n̄an kapilōke im rōjan̄e e ilo kōtōprak ijo kuņaan.

Paul eaar je lōta eo n̄an Taitōs ilo juon iien ekar rōļo̧k n̄an kalbuuj. E emaron̄ kar loļo̧k Krit, ijo Taitōs ekar jerbal ie. Lōta in eļap wōt an ekkōnono kōn ro mour in wānōk im kauwe ilowaan Kabun̄ eo.

Paul eaar je lōta eo an kein karuo n̄an Timote ke eaar pād ilo kalbuuj alen kein karuo, ejjab etto jān kar m̧ane Paul kōn tōmak eo an. Lōta in ewōr ie naan ko āliktata an Paul im ej kwaļo̧k em̧m̧an in peran im lōke eo me kaki ekar jelm̧ae mej.