Katak im Bujen Ko

Juon koba in revelesōn ko jān lan̄ im kean̄ ko jān jetōb. Irooj ar liļo̧k men kein n̄an Josep Smith im jet ian ro rekar bōk jikin n̄an kajutak im oņaake eo an aelōn̄ eo an Anij ioon laļ ilo raan ko āliktata. Katak im Bujen Ko ej juon ian bok in jeje ko rekwōjarjar ilo Kabun̄ eo an Jisōs Kraist im Armej ro Rekwōjarjar ilo Raan ko Āliktata, ippān Baibōļ eo, Bok in Mormon, im Bōōr Eo Eļap Wōņāān. Ijoke, Katak im Bujen Ko eāinjuon; kōnke ej jab juon ukok jān document ko etto; Irooj eaar liļo̧k revelesōn kein n̄an rikanaan ro Eaar kāālet er ilo raan kein bwe en maron̄ kōjepļaaktok aelōn̄ eo An. Ilo revelesōn kein juon ej ron̄jake ainikien eo etūriam̧o im kijn̄en̄e an Irooj Jisōs Kraist (K&B 18:35–36).

Bwebwenato an Josep Smith ej ba bwe Katak im Bujen Ko ej pedped eo an Kabun̄ in ilo raan kein āliktata im juon kōjeraam̧m̧an n̄an laļ in (K&B 70 kōmelele ko ijerbran). Revelesōn ko ie rej jinoe jerbal in kōpooje iaļ eo n̄an Itok eo Kein Karuo an Irooj, ilo kakūrm̧ool aolep naan ko kar kōnono jān rikanaan ro jān wōt kar jinoin laļ.