Beal

Juon anij-aļ kom̧aan kar kabun̄-jar n̄an e ilo enan̄in aolepān Phoenicia (1 Kiin̄ 16:31) a barāinwōt kar kabun̄-jar n̄an e ilo elōn̄ wāween ko ilo jikin ko jet: jān riMoab ekar Beal-pior (Bōn. 25:1–3), ilo Shikem ekar Beal-berit (Ekaj. 8:33; 9:4), ilo Ekron ekar Beal-zibub (2 Kiin̄ 1:2). Beal emaron̄ ejjeļo̧k irļo̧k jān Bel in Babiļon im Zeus ilo Greece. Naan in Beal ej kōnono kōn kōtaan eo ikōtaan juon irooj im rikōm̧akoko eo an. Kakōļļe eo ekkā an Beal ekar juon kau kom̧aan. Ashterat ekar juon anij kōrā ekkā kar kabun̄-jar n̄an e ippān Beal.

Beal kar jet iien kobaiki ippān bar juon āt ak naan n̄an kaalikkare juon ekkejel ippān Beal, āinwōt juon jikin ijo kar kabun̄-jar n̄an e ak juon armej eo ewōr ļamļam ko an āinwōt ko an Beal. Tok ālik, kōnke Beal ekar kanooj nana meļeļe ko an, naan eo Bosheth ekar bōk jikin ilo āt kein kar kobaiki. Bosheth meļeļein “jook.”