Jekab ļeo Nejin Liai
Juon rikanaan ilo Bok in Mormon im rijeje in jet sermon ko ilo bok kein 2 Nipai im Jekab (2 Ni. 6–11; Jekab 1–7).
Bok eo an Jekab
Bok eo kein kajilu ilo Bok in Mormon. Jebta 1 ej ba bwe Nipai eaar jakiļo̧k ļo̧o̧k ko n̄an Jekab innām kōjenolo̧k Jekab im ļeo jatin Josep bwe ren pris im rikaki ro n̄an armej ro. Jebta 2–4 rej sermon ko n̄an kōketak armej ro bwe ren erreo ilo ānbwin. Jekab ar barāinwōt katakin kōn itok eo an juon Messaia in lo̧mo̧o̧ren, im eaar liļo̧k un ko etke jet ilo Israel reban kar bōk E ilo itok eo An. Jebta 5–6 ewōr ie naan in kam̧ool eo an Jekab im juon waanjon̄ok in kanaan kōn bwebwenatoin im mijen eo an armej in Israel. Jebta 7 ewōr ie juon bwebwenato kōn juon rijum̧ae emālōtlōt etan Serem, eo kar anjo̧ ioon jān naan in kam̧ool eo jān lan̄ an Jekab.