Kien Wūjlepļo̧k, Kōjenolo̧k, Wūjlepļo̧k Lale barāinwōt Aelōn̄ in Anij ak Aelōn̄ in Lan̄; Koņ in Bōrokuk N̄an ajeļo̧k, n̄an kokwōjarjar, ak n̄an kōweeppān. Kien wūjlepļo̧k ej juon pedped jān lan̄ eo em̧m̧aan im kōrā ro remaron̄ make ajeļo̧k iien ko, kapeel ko, im m̧weiuk ko m̧weiier n̄an kajutake im kalōkļo̧k Aelōn̄ eo an Anij. Wūjlepļo̧k kom̧ make rainin n̄an Irooj, Ex. 32:29. Aolep ro rekar tōmak rej ajej im burueer wōt juon, Jerb. 2:44–45. Im eaar aer men otemjej ilo ejjeļo̧k kalijekļo̧k; kōn menin eaar ejjeļo̧k rim̧weiie im rijeram̧ōl, 4 Ni. 1:3. Irooj eaar kōmmeļeļeik pedped ko in wūjlepļo̧k, K&B 42:30–39 (K&B 51:2–19; 58:35–36). Juon armej ej jab aikuj ļapļo̧k an jān bar juon, K&B 49:20. Armej otemjej kar leļo̧k jon̄an wōt juon ajej ekkar n̄an nukwin eo an, K&B 51:3. Juon koņ ekar kōm̧m̧an bwe Ro Rekwōjarjar ren maron̄ jon̄an wōt juon ilo lokjak ko ilo men ko an lan̄ im ilo men ko an laļ, K&B 78:4–5. Armej otemjej en jon̄an wōt juon an abņōņō ekkar n̄an kōņaan ko im aikuj ko an, K&B 82:17–19. Zaion emaron̄ wōt ekkal jān pedped ko an kien selestial, K&B 105:5. Armej ro an Inok rekar juon wōt ilo bōro im juon wōt ilo ļōmņak im rekar jokwe ilo weeppān, im ekar ejjeļo̧k rijeram̧ōl ilubwiljier, Moses 7:18.