Māj, Māj ko Ilo jeje ko rekwōjarjar, māj ekkā kōjerbale āinwōt juon kakōļļeen maron̄ eo an juon armej n̄an bōk meram in Anij. Ilo ekkōnono in kakōļļe, mejān juon armej ej barāinwōt kwaļo̧k jekjek in mour in jetōb eo an im meļeļe eo an kōn men ko an Anij. Kien eo an Irooj erreo, ej kōmeram māj ko, Sam Ko 19:8. Ribwebwe ewōr mājeer im rej jab loe, Jer. 5:21 (Mark 8:18). Meram eo an ānbwin ej māj eo, Matu 6:22 (Luk 11:34; 3 Ni. 13:22; K&B 88:67). Em̧ōņōņō mājemi bwe rej lo, Matu 13:16. Māj ko in am meļeļe naaj kōmeramiļo̧k, Epe. 1:17–18. Wo n̄an ro remālōtlōt ilo mājeer make, 2 Ni. 15:21 (Ais. 5:21). Rekar jino jitlo̧k im jar bwe mejān armej ro ren maron̄ peļļo̧k, Mosa. 27:22. Setan eaar kapiloik mājeer, 3 Ni. 2:2. Ejjeļo̧k emaron̄ wōr an kajoor n̄an bōktok Bok in Mormon ijello̧kun wōt kōn māj eo ej jab rom jān aiboojoj eo an Anij, Morm. 8:15. Jān kajoor eo an Jetōb mājem raar peļļo̧k im meļeļe ko am kar kōmeramiļo̧k, K&B 76:12. Meram eo ej kōn E eo ej kōmeramļo̧k mājemi, K&B 88:11. Eļan̄n̄e mājemi ej jab rom jān aiboojoj eo Aō, aolepān ānbwinnōmi renaaj obrak kōn meram, K&B 88:67.