Rut

Ilo Kallim̧ur Ekāāl, kōrā in Moab eo jelpān Neomi im Elimelek, ro rekar riIsrael. Ālikin mej eo an ļeo pāleen, Rut ar m̧areik Boaz ļeo nukwin Neomi. Ļeo nejierro Obed ekar juon eo jimm̧aan Devid im Kraist. Bwebwenatoin Rut ekanooj em̧m̧an an kōmmeļeļeik oktak tok eo an juon eo ej jab riIsrael n̄an wōrwōr eo an Israel. Rut eaar joļo̧k anij eo an m̧okta im mour eo an m̧okta n̄an kobaļo̧k ippān m̧weo im̧ōn tōmak im jerbal n̄an Anij an Israel (Rut 1:16).

Bok in Rut

Jebta 1 ej kōmmeļeļeik mour eo an Elimelek im nokwe eo an ilo Moab. Ālikin mej eo an ļōm̧aro pāleer, Neomi im Rut raar etal n̄an Betleem. Jebta 2 ej kōmmeļeļe bwe Rut eaar m̧adm̧ōd ilo meļaaj ko an Boaz. Jebta 3 ej ekkōnono kōn ekōjkan an Neomi kar jiron̄ Rut n̄an etal n̄an jikin irir eo im babu iturin neen Boaz. Jebta 4 ej bwebwenatoin an m̧are eo an Rut n̄an Boaz. Ekar wōr juon nejierro ļaddik, Obed, eo im jān menmenbwij eo an Devid im Kraist rekar itok.