Joshua
Juon rikanaan im ritōl ilo Kallim̧ur Em̧or, im eo ribōk jikin Moses. E eaar ļotak ilo Ijipt m̧okta jān ro nejin Israel kar ko (Bōn. 14:26–31). E im Keleb rekar pād ilubwiljin riiaron̄ron̄ ko kar jilkinļo̧k er n̄an Kenean. Erro wōt rekar leļo̧k ennaan eo em̧m̧an kōn āneo (Bōn. 13:8, 16–33; 14:1–10). Eaar mej ke ar 110 iiō dettan (Josh. 24:29). Joshua ekar juon waanjon̄ok eļap in juon rikanaan-ritariņae em̧ool.
Bok eo an Joshua
Bok in ekar etņake Joshua kōnke e eaar armej eo eļap ekkōnono kake ie im ej jab kōnke e eo ar rijeje. Jebta 1–12 rej kōmmeļeļeik wāween kar bōk Kenean; jebta 13–24 rej ba kōn bwij ko an Israel im ajej eo an āneo im naan in kapilōk ko an Joshua āliktata.
Ruo eoon ko eļap kili ilo bok in Joshua rej naan in jiron̄ an Irooj n̄an e n̄an kejakļo̧kjeņ ioon jeje ko rekwōjarjar (Josh. 1:8) im kūr eo an Joshua n̄an armej ro bwe ren tiljek n̄an Irooj (Josh. 24:15).