Nineve Lale barāinwōt Assiria; Jona Ilo Kallim̧ur Em̧or, jikin m̧akūt eo an Assiria im ium̧win rūbukwi iiō ko ekar juon jikin m̧akūt eļap ioon kappe ko iturear an reba Tigris. Eaar wōtlo̧k ilo jeepepļo̧k eo an laļ eo an riAssiria, 606 M.K. Senakerib, kiin̄ eo an Assiria, ekar jokwe ilo Nineve, 2 Kiin̄ 19:36. Kar jilkinļo̧k Jona n̄an kūr jikin kwelo̧k eo n̄an ukeļo̧k, Jona 1:1–2 (Jona 3:1–4). Armej in Nineve rekar ukeļo̧k, Jona 3:5–10. Kraist eaar kōjerbale Nineve āinwōt juon waanjon̄ok in ukeļo̧k im̧aan riJu ro, Matu 12:41.