Juda
Ilo Kallim̧ur Em̧or, ļeo kein kāāmen nejin Jekab im Lia (Jen. 29:35; 37:26–27; 43:3, 8; 44:16; 49:8). Jekab eaar kōjeraam̧m̧an Juda bwe en kar juon lukkuun ritōl ilubwiljin ļōm̧aro nejin Jekab im bwe Shailo (Jisōs Kraist) en juon bwijjin (Jen. 49:10).
Bwij eo an Juda
Bwij eo an Juda eaar ritōl ālikin kar jukjuk im amņak ilo Kenean. Rijum̧ae eo an eļaptata ekar bwij eo an Ipreim. Moses ar kōjeraam̧m̧ane bwij eo an Juda (Dut. 33:7). Ālikin iien irooj eo an Solomon, bwij eo an Juda rekar erom aelōn̄ in Juda.
Aelōn̄ in Juda
Ilo iien irooj eo an Rihoboam mo̧jen ko an Solomon rekar rup ilo ruo aelōn̄ ko rejenolo̧k jān doon, eļaptata kōnke ebbanban eo ikōtaan bwij ko an Ipreim im Juda. Aelōn̄ eo iturōk, ak aelōn̄ eo an Juda, ekar kitbuuji bwij eo an Juda im m̧ōttan eo eļapļo̧k in Benjamin. Jerusalem ekar jikin kwelo̧k eo eļap an. Enan̄in aolepān ekar pād wōt ilo tiljek n̄an kabun̄-jar n̄an Jeova eļapļo̧k jān aelōn̄ eo ituiōn̄. Juda ekar dikļo̧k an jedmatmat n̄an kallejar jān iōn̄ im rear, im kajoor eo eļaptata ekar pād ilo pein nokwe eo an Devid m̧ae kōm̧akoko eo an riBabilon. Aelōn̄ eo an Juda ekar pād ium̧win 135 iiō ālikin wōtlo̧k eo an elōn̄ armej ro im aelōn̄ in Israel eo ekar ļapļo̧k an kajoor.
Aļaļ eo an Juda
Men in ej ekkōnono kōn Baibōļ eo āinwōt ļo̧o̧k eo an m̧weo im̧ōn Juda (Eze. 37:15–19). Ilo raan ko āliktata, n̄e jet ian ra ko an m̧weo im̧ōn Israel em̧ōj ainitok er, ļo̧o̧k ko aer rekwōjarjar renaaj barāinwōt kuktok ippān doon. Ļo̧o̧k in jeje ekwōjarjar kein rej rie doon im ejaake juon naan in kam̧ool ekajoor bwe Jisōs ej RiKraist eo, Anij an Israel im Anij eo an aolepān laļ (JS—Ukok, Jen. 50:24–36 [Appendix]; 2 Ni. 3; 29).