Setan. Devil ej rikōjdat eo an jim̧we im an ro rej kappukot n̄an kōm̧anm̧an ankilaan Anij. E ej lukkuun juon jetōb nejin Anij im kar ilo juon iien enjeļ eo ewōr an maron̄ ilo im̧aan mejān Anij (Ais. 14:12; 2 Ni. 2:17). Ijoke, eaar jum̧ae ilo mour eo m̧okta im kar karreel juon-m̧ōttan-jilu in jetōb ro nejin Jemān n̄an jum̧ae ippān (K&B 29:36; Moses 4:1–4; Ebr. 3:27–28). Er kar joļo̧k er jān lan̄, kar kabbōjrak er iien eo em̧m̧an n̄an bōk ānbwinnin kanniōk im ioon imminene ko an mour in, im renaaj n̄an indeeo jako. Jān wōt iien eo kar jolaļļo̧k devil jān lan̄, e ekar kappukot wōt n̄an m̧oņe aolep em̧m̧aan im kōrā ro im tōlļo̧k er jān jerbal eo an Anij n̄an kōm̧m̧an bwe aolep armej ren bar jerata āinwōt e (Rev. 12:9; 2 Ni. 2:27; 9:8–9).
Kabun̄ eo an Devil
Aolep doulul enana im eobrak kōn men ko an laļ eo ej kaankekeik gospel eo erreo im weeppān im jum̧ae Lamb an Anij.