Ishmael ļeo Nejin Ebream Lale barāinwōt Ebream; Hegar Ilo Kallim̧ur Em̧or, juon em̧m̧aan nejin Ebream im Hegar, riIjipt eo karejeran Serai (Jen. 16:11–16). Irooj ar kallim̧uri jim̧or Ebream im Hegar bwe Ishmael enaaj kar erom jemān juon laļ eļap (Jen. 21:8–21). Bujen eo eaar itok kōn Aisak im jab kōn Ishmael, Jen. 17:19–21 (Gal. 4:22–5:1). Anij eaar kōjeraam̧m̧an Ishmael bwe en kar wōrļo̧k, Jen. 17:20. Ishmael ar jipan̄ kalbwin Ebream, Jen. 25:8–9. Ļōm̧aro jon̄oulruo nejin Ishmael kar likūt etaer, Jen. 25:12–16. Ishmael ar mej, Jen. 25:17–18. Iso ar bōk lio nejin Ishmael, Mehalat, bwe en pāleen, Jen. 28:9.