Bok in Riekajet Ro

Juon bok ilo Kallim̧ur Em̧or. Bok eo an Riekajet Ro ej ekkōnono kōn riIsrael jān mej eo an Joshua n̄an ļotak eo an Samuel.

Jebta 1–3 rej juon ennaan im̧aanļo̧k n̄an aolepān bok in Riekajet Ro. Rej kōmmeļeļe bwe kōnke riIsrael ro rekar jab lukwarkwareļo̧k rikōjdat ro aer (Ekaj. 1:16–35), riIsrael ro reaikuj en̄taan kake waļo̧k ko: jako in tōmak, m̧are ko ippān ro rej tōmak, im kabun̄-jar n̄an ekjab. Jebta 4–5 rej kwaļo̧k kōn imminene ko an Debora im Berak, ro rekar kōjo̧o̧r Israel jān riKenean ro. Jebta 6–8 rej imminene ko Gideon n̄an kōļapļo̧k tōmak, ļeo Irooj ar kōjeraam̧m̧an e n̄an kōjo̧o̧r Israel jān riMidian ro. Ilo jebta 9–12, elōn̄ em̧m̧aan ro rekar jerbal āinwōt riekajet ro ilo Israel ilo iien eo enan̄in aolep riIsrael rar būn̄ jān tōmak im kar lale er jān irooj ruwamaejet ro. Jebta 13–16 rej kōnono kōn wanlōn̄tak im wōtlo̧k eo an riekajet eo āliktata, Samson. Ilo jebta ko āliktata, 17–21, maron̄ in kōmmeļeļe bwe rej juon jem̧ļo̧k eo ej kwaļo̧ke m̧wilaļ ko in jero̧wiwi ko an Israel.