Livitikōs

Juon bok ilo Kallim̧ur Em̧or eo ej ekkōnono kōn eddo ko an pris ilo Israel. Ej kameejļo̧k kwōjarjar eo an Anij im kakien eo me armej ro an remaron̄ mour ium̧win n̄an erom ro rekwōjarjar. Jibadbad eo an ej n̄an katakin pedped ko in m̧wil em̧m̧an im m̧ool ko an kabun̄ ilo kien Moses jān jekjek ko jān ritual ko. Moses eaar je bok in Livitikōs.

Jebta 1–7 rej kōmmeļeļeik kain̄i in katok ko. Jebta 8–10 rej kōmmeļeļeik kiltōn ko kōm̧m̧ani ilo kōjenolo̧k pris ro. Jebta 11 ej kōmmeļeļeik ta maron̄ ak jab maron̄ kan̄e im ta erreo ak ejjab erreo. Jebta 12 ej ekkōnono kōn kōrā ro ālikin aer keotak. Jebta 13–15 rej kien ko rej ekkejelļo̧k n̄an jab erreo. Jebta 16 ewōr ie jekjek ko kōm̧m̧ani ilo Raan in Pinmuur. Jebta 17–26 ewōr ie juon code in kakien ko rej kajeikik men ko kōm̧m̧ani ilo kabun̄-jar im iiaio an armej. Jebta 27 ej kōmmeļeļeik bwe Irooj ar jiron̄ Israel n̄an ajeļo̧k mennin eddek ko aer, sip ko aer, im mennin mour ko reļļap n̄an Irooj.