Juon armej eo ej bōk eddo in jerbal ko ak men ko m̧weien bar juon. Men eo me juon ribōk eddo ej kōjparoke ej etan eddo. Aolep men otemjeļo̧k ioon laļ ren an Irooj; kōj jej ribōk eddo ro An. Jej aikuj uwaak n̄an Irooj, a jemaron̄ ripoote eddo eo ad n̄an ro ribōk jikin Anij im em̧ōj kōmālim er. N̄e jej bōk juon kūr in jerbal jān Irooj ak ro karejeran im em̧ōj kōmālim er, eddo in emaron̄ kitbuuj jim̧or jerbal ko an men ko an jetōb im kanniōk (K&B 29:34).