Jeriko Juon jikin kwelo̧k ewōrwōr ilo kom̧laļ Jordan, 800 ne ilaļ in aejet in lo̧jet. Jeriko epaake jikin eo ijo riIsrael raar kijoone reba eo ke raar deļo̧n̄eļo̧k āneen kallim̧ur jinoin (Josh. 2:1–3; 3:16; 6). RiIsrael raar tariņae ilo juon kōpata ilo Jeriko, Josh. 6:1–20. Joshua eaar likūt juon lia ioon Jeriko, Josh. 6:26 (1 Kiin̄ 16:34). Jeriko ekar pād ilowaan bwidej ko kar kōjjemo̧o̧ji n̄an Benjamin, Josh. 18:11–12, 21. Irooj ar loļo̧k Jeriko ilo iaļ eo an āliktata n̄an Jerusalem, Mark 10:46 (Luk 18:35; 19:1).