Jerusalem

Juon jikin kwelo̧k ej pād ilo Israel eo rainin. Ej jikin kwelo̧k eo eļaptata aorōkin ilo bwebwenatoin Baibōļ. Jet ian jikin ko rekanooj ekwōjarjartata n̄an riKristian, riJu, im riMuslim repād ilo jikin kwelo̧k in ekkā loļo̧ki jān elōn̄ ritōmak. Ekkar ān̄inn̄ini bwe ej jikin kwelo̧k ekwōjarjar.

Juon iien kar jeļā kake bwe ej Selem (Jen. 14:18; Sam Ko 76:2), Jerusalem ekar jikin kwelo̧k an riJibus m̧ae iien eo Devid ekar bōke (Josh. 10:1; 15:8; 2 Sam. 5:6–7), eo eaar kōm̧m̧ane bwe en jikin kien eo an. M̧ae iien en ekar jerbal eļaptata āinwōt juon jikin koone, enan̄in 2600 ne ilōn̄in aejet in lo̧jet. Em̧ōj jepooļe kōn kom̧laļ ko rem̧wilaļ iaolepān ijeņ im ijeņ ijello̧kun wōt ituiōn̄.

Ilo iien irooj ko an Kiin̄ Devid ilo Jerusalem, eaar pād ilo im̧ōn kiin̄ eo kōm̧m̧an jān aļaļ. Ijoke, ilo iien irooj eo an Solomon, armej ro rekar kōm̧m̧an eļap n̄an kōkōm̧anm̧anļo̧k jikin kwelo̧k eo, ekitbuuj kalōk m̧weo im̧ōn kiin̄ eo im tampeļ eo.

Ālikin an kar aelōn̄ in kiin̄ ko an Israel im Juda kar ajej, Jerusalem ekar pād wōt jikin kien eo an Juda. Ekkā kar kalejar ņae jān jarin tariņae ko (1 Kiin̄ 14:25; 2 Kiin̄ 14:13; 16:5; 18–19; 24:10; 25). Ium̧win Hezekaia, Jerusalem ar erom jikin eo ioļapļap n̄an kabun̄-jar an kabun̄ ko ak kar ko̧kkure jidikin ilo 320 M.K., 168 M.K., im 65 M.K. Herod ar bar kalōke wōrwōr ko im tampeļ eo, a ilo Ā.K. 70 riRom raar ko̧kkure aolepān.