Kiin̄ ro
Ruo bok ilo Kallim̧ur Em̧or. Bok kein rej ekkōnono kōn bwebwenatoin Israel jān jum̧ae eo an Adonija, ļeo kein kāāmen nejin Kiin̄ Devid (enan̄in 1015 M.K.), n̄an ineen kōm̧akoko eo āliktata an Juda (enan̄in 586 M.K.). Rekar kitbuuj aolepān bwebwenatoin aelōn̄ eo ituiōn̄ (bwij ko jon̄oul an Israel) jān jekadļo̧k eo m̧ae iien eo riAssiria rekar bōk er ilo kōm̧akoko ļo̧k n̄an laļ ko iōn̄. Lale barāinwōt Laajrak in Men ko rej Waļo̧k ekkar n̄an Tōre ko aer ilo appendix eo.
1 Kiin̄ Ro
Jebta 1 ej kōmmeļeļeik raan ko āliktata ilo mour eo an Kiin̄ Devid. Jebta 2–11 rej ļo̧o̧ke mour eo an Solomon. Jebta 12–16 rej ekkōnono kōn ro ribōk jikin Solomon, Rihoboam im Jeroboam. Jeroboam ekar kōm̧m̧an bwe en waļo̧k ajej eo an aelōn̄ in Israel. Kiin̄ ro jet rej barāinwōt kōnono kake er. Jebta 17–21 rej ļo̧o̧ke m̧ōttan ko an ministry eo an Ilaija ke ekar kauwe Ehab, kiin̄ an Israel. Jebta 22 ej ļo̧o̧ke juon tariņae ņae Siria eo ie Ehab im Jihoshapat, kiin̄ an Juda, rekar kobaik jarin tariņae ko aer. Rikanaan Maikeia ej kanaan ņae kiin̄ ro.
2 Kiin̄ Ro
Jebta 1:1–2:11 ej wōnm̧aanļo̧k wōt kōn mour eo an Ilaija, ekobaik wanlōn̄ļo̧k eo an Ilaija n̄an lan̄ ilo juon jariot kijeek. Jebta 2–9 rej kōnono kōn ministry in tōmak im eļap kajoor eo an Ilaija. Jebta 10 ej kōnono kōn Jihu, kiin̄ eo, im wāween an kar ko̧kkure m̧weo im̧ōn Ehab im pris ro an Beal. Jebta 11–13 rej ļo̧o̧ke jim̧we in tōl eo an Jehoash im mej eo an Ilaisha. Jebta 14–17 rej kōnono kōn elōn̄ kiin̄ ro rekar irooj ilo Israel im Juda, ekkā ilo nana. Jebta 15 ej ļo̧o̧ke an riAssiria kar jibwe bwij ko jon̄oul an Israel. Jebta 18–20 rej ļo̧o̧ke mour eo ejim̧we an Hezekaia, kiin̄ in Juda, im rikanaan Aiseia. Jebta 21–23 ej ekkōnono kōn kiin̄ Menassa im Josaia. Ekkar n̄an imminene, Menassa ekar eddo kōn mej ilo tōmak eo an Aiseia. Josaia ekar juon kiin̄ ejim̧we eo ekar bar kajutake kien eo ilubwiljin riJu ro. Jebta 24–25 rej ļo̧o̧ke ineen kōm̧akoko an riBabilon.