Solomon Lale barāinwōt Batshiba; Devid Ilo Kallim̧ur Em̧or, ļeo nejin Devid im Batshiba (2 Sam. 12:24). Solomon ium̧win jidik iien ekar kiin̄ an Israel. Devid ekar likūti Solomon bwe en kiin̄, 1 Kiin̄ 1:11–53. Devid eaar jiron̄ Solomon n̄an etetal ilo iaļ ko an Irooj, 1 Kiin̄ 2:1–9. Irooj ar kallim̧uri juon bōro emeļeļe, 1 Kiin̄ 3:5–15. Eaar ekajet ikōtaan ro jinen im jeļā lukkuun jinen ajri eo, 1 Kiin̄ 3:16–28. Eaar ekkōnono jabōn kōnņaan ko im al ko, 1 Kiin̄ 4:32. Eaar kalōk tampeļ eo, 1 Kiin̄ 6; 7:13–51. Eaar ajeļo̧k tampeļ eo, 1 Kiin̄ 8. Lerooj eo an Shiba ar loļo̧k e, 1 Kiin̄ 10:1–13. Solomon ar m̧are itulikin Israel, im kōrā ro pāleen raar ukōt būruōn n̄an kabun̄-jar n̄an anij ko rewaan, 1 Kiin̄ 11:1–8. Irooj ar illu ippān Solomon, 1 Kiin̄ 11:9–13. Eaar mej, 1 Kiin̄ 11:43. Devid ar kanaan kōn aiboojoj in iien irooj eo an Solomon, Sam Ko 72. Solomon ar bōk elōn̄ pāleen im konkubain ro, a jet rekar jab bōk Irooj, K&B 132:38 (Jekab 2:24).