Aiseia
Juon rikanaan ilo Kallim̧ur Em̧or eo ekar kanaan jān 740–701 M.K. Āinwōt rikōkapilōklōk ilōn̄tata an Kiin̄ Hezekaia, eļap kuņaan Aiseia ilo jelōt kabun̄ im kien.
Jisōs ar kōnono elōn̄ļo̧k alen im ekkā jān Aiseia jān An kar kōnono kōn jabdewōt bar jet rikanaan. Aiseia ekkā barāinwōt ekkōnono kake jān Piter, Jon, im Paul ilo Kallim̧ur Ekāāl. Bok in Mormon im Katak im Bujen Ko ewōr ie elōn̄ļo̧k eoon ko kōnono kaki jān Aiseia jān bar jabdewōt rikanaan im rej bōktok eļap jipan̄ ilo kōmmeļeļeik Aiseia. Nipai eaar katakin armej ro an jān jeje ko an Aiseia (2 Ni. 12–24; Ais. 2–14). Irooj ar ba n̄an riNipai ro bwe “re ļap naan ko an Aiseia” im bwe men aolep men ko Aiseia ar kanaani renaaj kar kūrm̧ool (3 Ni. 23:1–3).
Bok in Aiseia
Juon bok ilo Kallim̧ur Em̧or. Elōn̄ ian kanaan ko an Aiseia rej ekkōnono kōn itok eo an Ripinmuur, jim̧or ilo ministry eo An ioon laļ (Ais. 9:6) im āinwōt Kiin̄ Eļap eo ilo raan eo āliktata (Ais. 63). Eaar barāinwōt kanaan eļap kōn ilju im jekļaj eo an Israel.
Jebta 1 ej juon ennaan im̧aan n̄an aolepān bok in. Aiseia 7:14; 9:6–7; 11:1–5; 53; im 61:1–3 rej annan̄eļo̧k mijen eo an Rilo̧mo̧o̧r. Jebta 2, 11, 12, im 35 rej ekkōnono kōn men ko reļļap ilo raan ko āliktata, n̄e gospel eo enaaj bar jepļaaktok, Israel enaaj kuktok, im laļ ko remaro renaaj uwa āinwōt wūt rose. Jebta 29 ewōr ie juon kanaan kōn waļo̧ktok in Bok in Mormon (2 Ni. 27). Jebta 40–46 rej kabun̄bun̄ļo̧k kajoor in Jeova āinwōt Anij eo em̧ool ioon anij ekjab ko an rikabun̄-jar n̄an pegan. Jebta ko jet, 47–66, rej ekkōnono kōn men ko reļļap ilo jepļaaktok eo āliktata an Israel im jutak in Zaion, ippān an Irooj jokwe ilubwiljin armej ro doon.