Ilo jeje ko rekwōjarjar, juon lia ej em̧m̧akūt in kien lan̄ eo ej kōtļo̧k ak bōktok ekajet ko im waļo̧k ko aer ioon juon men, armej, ak armej ro ekkā wōt kōnke jab jim̧we. Lia ko rej juon kein kaalikkar kōn iakwe im ekajet an Anij jān ijo ilan̄. Remaron̄ in jarjar tok jān Anij ak itok jān kōnono ko an ro karejeran kar kōmālim er. Jet iien, tarlep in un ko kōn lia ko Anij wōt ejeļā kaki. Koba ippān men in, juon jekjek in lia ro wōt rej make jab pokake Anij rej iioone im ilo wāween in rej bōkliktak er make jān Jetōb eo an Irooj.
Irooj emaron̄ kōm̧akūt lia ko kōnke tōmak eo an juon ak juon jarin armej ilo Jisōs Kraist im pokake eo aer n̄an kien ko im kain̄i ko an gospel eo (Alma 23:16–18; 3 Ni. 2:14–16; Tōmak 1:3).
Kōnono Ettoon
N̄an lia ej barāinwōt n̄an kōjerbal kajin eo ettoon, ej blaspim, im eutiej.