M̧wijm̧wij

Kakōļļeen un̄ūr eo an Bujen eo an Ebream n̄an em̧m̧aan in Israel ro ilo tōre ko an Kallim̧ur Em̧or (Jen. 17:10–11, 23–27; JS—Ukok, Jen. 17:11 [Appendix]). M̧wijm̧wij rekar kōm̧m̧ane ilo aer m̧wijitļo̧k “kanniōk eo im̧aan” in em̧m̧aan nin̄nin̄ ro im em̧m̧aan rūtto jim̧or. Ro rekar bōke rekar m̧ōņōņō kōn utiej ko im rekar bōki eddo ko an bujen eo. M̧wijm̧wij āinwōt juon kakōļļeen un̄ūr eo an bujen eo ekar jem̧ļo̧k ippān mijen eo an Kraist (Moro. 8:8; K&B 74:3–7).