Ukeļo̧k

Juon oktak in koļmānļo̧kijeņ im bōro ej bōktok juon bōklōkōt ņae Anij, armej eo make, im mour ilo tu depakpakin. Ukeļo̧k ej letok ļōmņak in bwe juon armej ej oktakļo̧k jān nana im ukōt būruōn im ankilaan n̄an Anij, im wūjlepļo̧k e n̄an kien ko im kōņaan ko an Anij im eļļo̧k jān jero̧wiwi. Ukeļo̧k eo em̧ool ej itok jān juon iakwe n̄an Anij im lukkuun kōņaan pokaki kien ko An. Aolep armej ewōr an eddo ekar jero̧wiwi im eaikuj ukeļo̧k bwe en maron̄ eddekļo̧k n̄an lo̧mo̧o̧r. Kōn wōt Pinmuur eo an Jisōs Kraist ukeļo̧k eo ad emaron̄ in jerbal im Anij emaron̄ bōke.

Jetōb eo an Irooj Ekajoor Bōtata ekar jerbale juon oktak ekajoor ilo būruōm̧, bwe ejjab bar wōr am̧ ikdeelel n̄an kōm̧m̧an nana, Mosa. 5:2.
Eļan̄n̄e ej kwaļo̧k jero̧wiwi ko an im ukeļo̧k, e kom̧ naaj jeorļo̧k an bōd, Mosa. 26:29.
Ālikin an Alma kwaļo̧k, elōn̄ armej raar jino ukeļo̧k, Alma 14:1.
Jab karum̧wijļo̧k raan eo in am̧ ukeļo̧k, Alma 34:33.
Alma ar katakin Hilamōn kōn ukeļo̧k im oktak eo an, Alma 36 (Mosa. 27:8–32).
Ukeļo̧k eban kar itok n̄an armej ijello̧kun wōt n̄e ewōr kaje, Alma 42:16.
Kōtļo̧k bwe jero̧wiwi ko am̧ ren kainepataik eok, kōn inepata eo me enaaj bōk laļļo̧k eok n̄an ukeļo̧k, Alma 42:29.
Kom̧ naaj ajetok juon katok n̄an Eō juon bōro e rup im jetōb eo ettā, 3 Ni. 9:20.
Jabdewōt eo ej ukeļo̧k im itok n̄an Ippa āinwōt juon ajri edik, e Inaaj bōk e, 3 Ni. 9:22.
Ukeļo̧k aolep kom̧ jem̧ļo̧k ko an laļ, 3 Ni. 27:20.
Jon̄an wōt an emmakijkij in kar ukeļo̧k, kar jeorļo̧k aer bōd, Moro. 6:8.