Hoseia
Juon rikanaan ilo Kallim̧ur Em̧or eo ekar kanaan ilo aelōn̄ in Israel ituiōn̄ ilo jem̧ļo̧k in ļo̧k iien irooj ko an Jeroboam Ⅱ. Eaar jokwe ilo juon iien eo ekar wanlaļļo̧k in laļ eo im jeepepļo̧k, waļo̧k jān jero̧wiwi an Israel.
Bok in Hoseia
Unleplep eo an bok in ej iakwe eo an Anij n̄an armej ro An. Aolep kauwe ko an rekar kōm̧m̧an ilo iakwe, im jepļaaktok eo an Israel enaaj waļo̧k jān wōt iakwe eo An (Hos. 2:19; 14:4). Ilo oktan, Hoseia ej kwaļo̧k kauwōtata im jab m̧ool eo an Israel. Mekarta Anij ej reim̧aanļo̧k wōt n̄an lo̧mo̧o̧ren eo an Israel āliktata (Hos. 11:12–14:9).