Meram, Meram in Kraist

Maron̄, kajoor, im jelōt jān lan̄ eo ej etal jān Anij kōn Kraist im ej leļo̧k mour im meram n̄an aolep men ko otemjeļo̧k. Men in ej kien eo jān aolep men otemjeļo̧k rej pād ium̧win pepe ilo lan̄ im ioon laļ (K&B 88:6–13). Ej barāinwōt jipan̄ armej meļeļe m̧ool ko an gospel eo im jipan̄ likūt er ioon iaļ eo an gospel eo me ej tōl n̄an mour (Jon 3:19–21; 12:46; Alma 26:15; 32:35; K&B 93:28–29, 31–32, 40, 42).

Meram in Kraist aikuj in jab pukwōje ippān Jetōb Kwōjarjar. Meram in Kraist ej jab armej. E ej juon jelōt ej itok jān Anij im kōpooje juon armej n̄an bōk Jetōb Kwōjarjar. Ej juon jelōt n̄an em̧m̧an ilo mour ko an aolep armej (Jon 1:9; K&B 84:46–47).

Juon ian alikkar ko an meram in Kraist ej bōklōkōt, eo ej jipan̄ juon armej kāālet ikōtaan jim̧we im bōd (Moro. 7:16). Ilo an armej jeļā eļapļo̧k kōn gospel eo, bōklōkōt ko aer rej ļapļo̧k aer pidodo deblo̧ki (Moro. 7:12–19). Armej ro rej eo̧ron̄ meram in Kraist rej tōlļo̧k er n̄an gospel eo an Jisōs Kraist (K&B 84:46–48).