Iso Lale barāinwōt Aisak; Jekab ļeo Nejin Aisak Ilo Kallim̧ur Em̧or, ļeo erūtto nejin Aisak im Rebeka im po eo an Jekab. Jeim̧jati rein rekar jum̧ae doon jān ke rekar ļotak (Jen. 25:19–26). Ro bwijjin Iso, riIdom, im ro bwijjin Jekab, riIsrael, rekar erom laļ ko rej jum̧ae doon (Jen. 25:23). Iso ar wiakake m̧aanje eo an n̄an Jekab, Jen. 25:33 (Hib. 12:16–17). Iso ar m̧are ippān kōrā in riHit ro im kar kabūrom̧ōj jinen im jemān, Jen. 26:34–35. Jekab im Iso rekar bar aenōm̧m̧an, Jen. 33.