Lōta ko n̄an RiTessalonika
Ruo bok ilo Kallim̧ur Ekāāl. Rekar jinointata lōta ko Paul ar jei an riTessalonika ke ekar pād ilo Korint ilo loļo̧k eo m̧oktata an n̄an Europe iturinļo̧k Ā.K. 50. Jerbal eo an ilo Tessalonika em̧ōj kōmmeļeļeiki ilo Jerbal 17. Paul ar kōņaan ro̧o̧lļo̧k n̄an Tessalonika a ekar jab maron̄ kōm̧m̧ane (1 Tes. 2:18). Kōn menin e ar jilkinļo̧k Timote n̄an pikpikūr ņa kōlwan rioktaktok ro im bōktok n̄an e naan kōn ekōjkan aer pād. Paul ar je lōta eo m̧okta āinwōt juon waļo̧k in an kam̧m̧oolol kōn ro̧o̧ltok eo an Timote.
Juon RiTessalonika
Jebta 1–2 ewōr ie naan in iakiakwe ko an Paul im jar eo an kōn Ro Rekwōjarjar; jebta 3–5 rej leļo̧k naan in tōl kōn eddekļo̧k ilo jetōb, iakwe, m̧wil erreo, laļn̄ijn̄ij, im Itok eo Kein Karuo an Jisōs Kraist.
Ruo RiTessalonika
Jebta 1 ewōr ie juon jar kōn Ro Rekwōjarjar. Jebta 2 ej ekkōnono kōn maroklep eo ej itok. Jebta 3 ewōr ie jar eo an Paul kōn anjo̧ eo an jibadbad eo an gospel eo.