Āinwōt kōjerbale ilo jeje ko rekwōjarjar, naan in m̧ool ewōr jilu meļeļein: (1) weeppān, m̧ool, im jim̧we, (2) n̄an kanooj jejjet, m̧ool, im ejjeļo̧k m̧oņ, im (3) jeļāļo̧kjeņ. Jeļā kōn men ko āinwōt aer waļo̧k kiiō, im āinwōt rekar, im āinwōt renaaj ilju im jekļaj (K&B 93:24 ). M̧ool ej barāinwōt ekkōnono kōn meram im revelesōn jān lan̄.
N̄an iien aō mej I jamin joļo̧k aō jim̧we jān n̄a, Job 27:5 .
Juon riwānōk ej etetal ilo an jim̧we, Jabōn 20:7 .
Wo n̄an ririab, bwe naaj jolaļļo̧k e n̄an hell, 2 Ni. 9:34 .
Jetōb eo ej ekkōnono m̧ool eo im jab riab, Jekab 4:13 .
Jabdewōt eo ej m̧uri jān riturun en kōro̧o̧l men eo eaar m̧uriki, Mosa. 4:28 (K&B 136:25 ).
Lale bwe en jab kalijekļo̧k am̧ jerbal, ekajet ilo jim̧we, im kōm̧m̧an em̧m̧an, Alma 41:14 .
Kōtļo̧k bwe aolep ren lukkuun m̧ool ilo aer m̧akūtkūt, K&B 51:9 .
Aolep ro rejeļā burueer rem̧ool rej kam̧ōņōņōik Eō, K&B 97:8 .
Ro rem̧ool, mālōtlōt, im em̧m̧an reaikuj kappukot opij ko an kien, K&B 98:4–10 .
Kanooj niknik etale n̄an bar kōro̧o̧lļo̧k men eo ar jako jān eo riturum̧, K&B 136:26 .
Kom̧ naaj jeļā m̧ool eo, im m̧ool eo enaaj kōm̧m̧an anemkwōjami, Jon 8:32 .
N̄a iaļ eo, m̧ool eo, im mour eo, Jon 14:6 .
Eļan̄n̄e jej ba bwe ejjeļo̧k ad jero̧wiwi, m̧ool eo ej jab pād ilo kōj, 1 Jon 1:8 .
Eo ebōd ej bōk m̧ool eo bwe epen, 1 Ni. 16:2 .
Ro rejim̧we rej iakwe m̧ool eo, 2 Ni. 9:40 .
Jetōb eo ej ekkōnono m̧ool eo im jab riab, Jekab 4:13 .
Kwe kwōj juon Anij in m̧ool im eban riab, Ether 3:12 .
Jān kajoor eo an Jetōb Kwōjarjar kom̧ maron̄ jeļā m̧ool in aolep men otemjeļo̧k, Moro. 10:5 .
M̧ool ej pād indeeo im indeeo, K&B 1:39 .
Kwe em̧ōj kar kōmeramļo̧k jān Jitōbōn m̧ool, K&B 6:15 .
Bok in Mormon ewōr ie m̧ool eo im naan eo an Anij, K&B 19:26 .
Rikaenōm̧m̧an kar jilkinļo̧k n̄an katakin m̧ool eo, K&B 50:14 .
Eo ej bōk naan eo jān Jitōbōn m̧ool ej bōk e āinwōt ej kwaļo̧k naan kake jān Jitōbōn m̧ool, K&B 50:17–22 .
Kabun̄bun̄ļo̧k m̧ool eo ekkar n̄an revelesōn ko Iaar liwōj n̄an eok, K&B 75:3–4 .
Jabdewōt ej m̧ool ej meram, K&B 84:45 .
Meram eo an Kraist ej meram in m̧ool, K&B 88:6–7, 40 .
Aō Jetōb ej m̧ool, K&B 88:66 .
Jeļāļo̧kjeņ, ak meram in m̧ool, kar jab kōm̧anm̧ane, K&B 93:29 .
Aiboojoj eo an Anij ej jeļāļo̧kjeņ, ak meram im m̧ool, K&B 93:36 .
Iaar jiron̄ eok n̄an karūttoļo̧k ro nejimi ilo meram im m̧ool, K&B 93:40 .