1 Im kiiō ālikin men kein ilo iiō eo kein kaen̄oul im jilu in iien tōl an riekajet ro, eaar jab wōr aitwerōk ilubwiljin armej in Nipai ijello̧kun wōt jidik juwa eo eaar pād ilo kabun̄ eo, eo eaar kōm̧m̧an jidik bōrojepel ko ilubwiljin armej ro, im men kein kar lo mejaļaer ilo jem̧ļo̧k in iiō eo kein kaen̄oul im jilu.

2 Im eaar jab wōr aitwerōk ilubwiljin armej ro ilo iiō eo kein kaen̄oul im emān; im jab kar wōr eļap aitwerōk ilo iiō eo kein kaen̄oul im ļalem.

3 Im ālikin men kein ilo iiō eo kein kaen̄oul im jiljino, aaet, eaar wōr eļap aitwerōk im elōn̄ bōrojepel ko; ko ilo men kein eaar wōr elōn̄ otem lōn̄ ro raar diwōjļo̧k jān āneen Zaraemla, im ilo̧k n̄an āneo ^aituiōn̄ n̄an jolōt e āneo.

4 Im raar ito-itak n̄an kōtaan eo eaetok otem aetok, jon̄an raar itok n̄an ^aānbwin ko in dān reļļap im elōn̄ reba ko.

5 Aaet, im em̧ool raar ajeededļo̧k ilo aolepān m̧ōttan ko ilo āneo, ļo̧k ilo jabdewōt m̧ōttan ko ekar jab watōk relo̧urō im ejjeļo̧k kāāer, kōnke elōn̄ ro raar m̧okta jolōte āneo.

6 Im kiiō ejjeļo̧k m̧ōttan in āneo eaar lo̧urō, ijello̧kun wōt kōn wōjke; a kōnke ļap in ^ako̧kkure eo an armej ro raar pād ilo āneo kar ņa etan ^blo̧urō.

7 Im ewōr kar jidik wōt wōjke ioon mejān āneo, mekarta armej ro raar ilo̧k raar erom ritijem̧ļo̧k otem tijem̧ļo̧k ilo jerbal ko kōn jimāāņ, kōn menin raar ekkal m̧ōko jān jimāāņ, ko raar jokwe ie.

8 Im ālikin men kein raar wōrļo̧k im ajeeded, im kar ilo̧k jān āneo iturōk n̄an āneo ituiōn̄, im kar ajeeded jon̄an raar jino n̄an kobrak mejān aolepān laļ, jān lo̧jet eo irōk n̄an lo̧jet eo iōn̄, jān ^alo̧jet eo irilik n̄an lo̧jet eo irear.

9 Im armej ro raar pād ituiōn̄ raar jokwe ilo em̧ kōppād ko, im ilo em̧ jimāāņ ko, im raar kōtļo̧k jabdewōt wōjke en jebar jān ioon mejān āneo bwe en eddek lōn̄ļo̧k, bwe ilo iien ren maron̄ wōr aer aļaļ n̄an kalōk m̧ōko im̧weer, aaet, jikin kwelo̧k ko aer, im tampeļ ko aer, im im̧ōn kwelo̧k ko aer, im im̧ōn kabun̄-jar ko aer, im jabdewōt m̧ōko im̧weer otemjeļo̧k.

10 Im ālikin men kein aļaļ eaar jeja otem jeja ilo āneo ituiōn̄, raar jilkinļo̧k elōn̄ jān iaļan ^awa ioon lo̧jet.

11 Im āindein raar kōmaron̄ armej ro ilo āneo ituiōn̄ bwe ren maron̄ ekkal elōn̄ jikin kwelo̧k ko, jim̧or jān aļaļ im jān jimāāņ.

12 Im ālikin men kein eaar wōr elōn̄ iaan ^aarmej ro an Ammōn, ro raar riLeman jān ļotak, raar barāinwōt ilo āniin.

13 Im kiiō elōn̄ ļo̧o̧k ko kar kōjparoki kōn m̧akūtkūt ko an armej rein, jān elōn̄ iaan armej rein, ko rellōn̄ im kanooj ļap, kōn er.

14 A lo, juon m̧ōttan jibukwi in m̧ōttan m̧akūtkūt ko an armej rein, aaet, bwebwenato eo kōn riLeman ro im kōn riNipai ro, im tariņae ko aer, im aitwerōk ko, im bōrojepel ko, im kwaļo̧k naan ko aer, im kanaan ko aer, im iaļan wa ioon dān ko aer im jekjek wa ko waer, im ekkal ^atampeļ ko aer, im kōn jikin kwelo̧k ko im im̧ōn kabun̄-jar ko aer, im aer jim̧we, im aer jero̧wiwi, im uror ko aer, im ko̧o̧t ko aer, im rakim ko aer, im aolep mennin jōjō im ļōn̄ otemjeļo̧k, jab maron̄ pād ilo jerbal in.

15 A lo, ewōr bok ko rellōn̄ im elōn̄ ļo̧o̧k ko jabdewōt otemjej, im rekar kōjparoki eļaptata ippān riNipai ro.

16 Im kar ^alilaļļo̧k jān juon epepen n̄an eo juon jān riNipai ro, em̧ool m̧ae aer kar wōtlo̧k ilo jero̧wiwi im kar uror, kar rakim, im kapooļ, im kar kokakļo̧k, im kar m̧anm̧an, im kar ejjeplōklōk ioon mejān laļ, im kar poktak ippān riLeman ro m̧ae ^bjab bar kūr er riNipai, kōnke raar erom nana, im awiia, im lāj, aaet, em̧ool im kar erom riLeman.

17 Im kiiō ij bar ro̧o̧l n̄an bwebwenato in aō; kōn menin, ta iaar kōnono eaar eļļā ālikin eaar wōr eļap aitwerōk ko, im kainepata ko, im tariņae ko, im kiojaļjaļ ko, ilubwiljin armej in Nipai.

18 Iiō eo kein kaen̄oul im jiljino in iien tōl an riekajet ro eaar jem̧ļo̧k;

19 Im ālikin men kein eaar wōr wōt aitwerōk eļap ilo āneo, aaet, em̧ool ilo kaen̄oul im jiljilimjuon iiō eo, im barāinwōt ilo kaen̄oul im ruwalitōk iiō eo.

20 Mekarta Hilamōn eaar pād ilo jea in ekajet eo kōn jim̧we im jejjet; aaet, im eaar lale n̄an kōjparok kien ko, im ekajet ko, im kien ko an Anij; im eaar kōm̧m̧ane men eo ejim̧we ilo im̧aan mejān Anij iien otemjej; im eaar etetal ilo̧kan iaļ ko an jemān, jon̄an eaar jeraam̧m̧an ilo āneo.

21 Im ālikin men kein eaar wōr ruo nejin ļaddik. Eaar leļo̧k n̄an eo erūtto etan eo ^aNipai, im n̄an eo ediktata, etan ^bLiai. Im raar jino eddekļo̧k n̄an Irooj.

22 Im ālikin men kein tariņae ko im aitwerōk ko raar jino jem̧ļo̧k, ilo juon wāween edik, ilubwiljin armej in riNipai ro, ilo jem̧ļo̧kļo̧k in en̄oul im ruwalitōk iiō in iien tōl an riekajet ro ioon armej in Nipai.

23 Im ālikin men kein ilo iiō eo kein kaen̄oul im ruwatimjuon in iien tōl an riekajet ro, eaar wōr aenōm̧m̧an wōt kar kajutak ilo āneo, aolep ijello̧kun wōt kar kanejnej ittino ko ^aKadiantōn riko̧o̧t eo eaar kajutak e ilo eļapļo̧k m̧ōttan ko an āneo, ko ilo kar iien eo kar jab alikkar kaki n̄an ro raar pād ijeban kien eo; kōn menin rekar jab jakoļo̧k jān āneo.

24 Im ālikin men kein ilo ejja iiō in wōt eaar wōr eļap otem ļap jeraam̧m̧an ilo kabun̄ eo, jon̄an eaar wōr to̧ujin ko raar kobaikļo̧k er n̄an kabun̄ eo im kar peptaij n̄an ukeļo̧k.

25 Im eļap wōt kar jeraam̧m̧an ilo kabun̄ eo, im elōn̄ wōt kōjeraam̧m̧an ko kar lutōkleplep ioon armej ro, bwe em̧ool pris utiej ro im rikaki ro raar make bwilōn̄ļo̧k jān maron̄ jon̄e.

26 Im ālikin men kein jerbal eo an Irooj eaar eddekļo̧k n̄an peptaij im kobaļo̧k n̄an kabun̄ eo an Anij, elōn̄ armej ro, aaet, em̧ool jon̄oul ko in to̧ujin ko.

27 Āindein jej lo bwe Irooj ej tūriam̧o n̄an aolep ro renaaj, ilo m̧ool in burueer, kūr ioon Etan ekwōjarjar.

28 Aaet, āindein jej lo bwe ^akōjām in lan̄ ej peļļo̧k n̄an ^baolep, em̧ool n̄an ro renaaj tōmak ilo etan Jisōs Kraist, eo ej Nejin Anij.

29 Aaet, jej lo bwe jabdewōt eo e kōņaan maron̄ jirok ioon ^anaan eo an Anij, eo ^bem̧ōkaj im kajoor, eo enaaj ajeje ijeņ im ijeņ aolep m̧oņ im aujiid im kōttōbalbal ko an devil, im tōl armej in Kraist in juon iaļ ^cerānin̄ im aidik ioonļo̧k ^dro̧n̄ in būrom̧ōj eo kar kōpooje n̄an oran̄ļo̧k ro rinana—

30 Im tōprakļo̧k jetōb ko aer, aaet, jetōb ko aer remour, ilo ^aanbwijmaron̄ in Anij ilo aelōn̄ in lan̄, n̄an jijet ippān Ebream, im Aisak, im ippān Jekab, im ippān aolep ro jemād rekwōjarjar, n̄an jab bar diwōjļo̧k.

31 Im ilo iiō in eaar ejjeļo̧k jem̧ļo̧kin m̧ōņōņō ilo āneen Zaraemla, im ilo aolep jikin ko ipeļaakin ijin, em̧ool ilo aolep āne ko kar an riNipai ro.

32 Im ālikin men kein eaar wōr aenōm̧m̧an im m̧ōņōņō otem m̧ōņōņō ilo bwe in iiō eo kein kaen̄oul im ruwatimjuon; aaet, im barāinwōt eaar ejjeļo̧k jem̧ļo̧kin aenōm̧m̧an im m̧ōņōņō eļap ilo iiō eo kein kalemn̄oul in iien tōl an riekajet ro.

33 Im ilo iiō eo kein kalemn̄oul im juon in iien tōl an riekajet ro eaar wōr aenōm̧m̧an barāinwōt, ijello̧kun wōt juwa eo eaar jino deļo̧n̄ ilo kabun̄ eo—jab ilo kabun̄ eo an Anij, ak ilo būruōn armej ro raar make kwaļo̧k ke rej pād ilo kabun̄ eo an Anij—

34 Im raar utiej ilo ^ajuwa, em̧ool n̄an matōrtōre elōn̄ iaan ro jeir im jatier. Kiiō men in eaar juon nana eļap, eo eaar kōm̧m̧an bwe ro rettā burueer iaan armej ro ren lo eļap en̄taan ko, im n̄an aikjet kōn eļap kaen̄tanaan ko.

35 Mekarta raar ^ajitlo̧k im ^bjar emmakijkij, im eaar kanooj kajoorļo̧k im kajoorļo̧k ilo aer ^cettā, im penļo̧k im penļo̧k ilo lōke Kraist, n̄an obrak in burueer kōn m̧ōņōņō im ineem̧m̧an, aaet, em̧ool n̄an ^dkarreoik im ^ekokwōjarjare būruweer, kokwōjarjare eo ej itok kōnke aer ^fkōtļo̧k burueer n̄an Anij.

36 Im ālikin men kein iiō eo kein kalemn̄oul im ruo eaar jem̧ļo̧k ilo aenōm̧m̧an barāinwōt, ijello̧kun wōt juwa eo eļap otem ļap eaar pād ilo būruōn armej ro; im eaar kōnke ^am̧weie ko im jeban ko aer reļļap otem ļap ilo āneo; im eaar eddek ioer jān raan n̄an raan.

37 Im ālikin men kein ilo lemn̄oul im jilu iiō in iien tōl an riekajet ro, Hilamōn eaar mej, im ļeo nejin erūttotata Nipai eaar jino tōl ilo ijo jikin. Im ālikin men kein eaar pād ilo jea in ekajet eo kōn jim̧we im jejjet; aaet, eaar kōjparok kien ko an Anij, im eaar etetal ilo iaļ ko an jemān.