Bok in Hilamōn
Juon bwebwenato in riNipai ro. Tariņae ko im aitwerōk ko aer, im kiojaļjaļ ko aer. Im barāinwōt kanaan ko an elōn̄ rikanaan ro rekwōjarjar, m̧okta jān itok eo an Kraist, ekkar n̄an ļo̧o̧k ko an Hilamōn, ļeo kar nejin Hilamōn, im barāinwōt ekkar n̄an ļo̧o̧k ko an ļōm̧aro nejin, em̧ool laļļo̧k n̄an itok eo an Kraist. Im barāinwōt elōn̄ riLeman ro raar oktak. Juon bwebwenato in oktak eo aer. Juon bwebwenato in jim̧we eo an riLeman ro, im nana im kajjōjō ko an riNipai ro, ekkar n̄an ļo̧o̧k eo an Hilamōn im ļōm̧aro nejin, em̧ool laļļo̧k n̄an itok eo an Kraist, eo ņa etan bok in Hilamōn, im men ko jet.
Jebta 1
Peoran kein karuo ej erom riekajet eutiejtata im Kiskumen ekar uror e—Pākumenai ej pād ilo jea in ekajet eo—Koriantumur ej tōl jarin tariņae ko an riLeman ro, ej bōk Zaraemla, im m̧an Pākumenai—Moronaia ej anjo̧ ioon riLeman ro im bar bōk Zaraemla, im kar m̧an Koriantumur. Iturinļo̧k 52–50 M.K.
1 Im kiiō lo, ālikin men kein ilo jinoin iiō eo kein kaen̄oul in iien tōl an riekajet ro ioon armej in Nipai, eaar jino wōr juon apan̄ eļap ilubwiljin armej in riNipai ro.
2 Bwe lo, aPeoran eaar mej, im eaar ilo̧k ilo iaļ an aolepān laļ; kōn menin eaar jino wōr kanooj aitwerōk kōn wōn eaikuj bōk jea in ekajet eo ilubwiljin ļōm̧aro jein im jatin, ļōm̧aro kar nejin Peoran.
3 Kiiō erkein rej etan ro raar akwāāl kōn jea in ekajet eo, ro raar barāinwōt kōm̧m̧an bwe armej ro ren jum̧ae doon: Peoran, Paan̄kai, im Pākumenai.
4 Kiiō rein raar jab aolep m̧aan ro nejin Peoran (bwe nejin eaar lōn̄), a rein rej ro raar jum̧ae doon jea in ekajet eo; kōn menin, raar kōm̧m̧ane jilu ajej ilubwiljin armej ro.
5 Mekarta, ālikin men kein Peoran kar jitōn̄ e jān aainikien armej ro bwe en riekajet eutiejtata im juon kabna ioon armej in Nipai.
6 Im ālikin men kein Pākumenai, ke eaar lo bwe eaar jab maron̄ bōk jea in ekajet eo, eaar kobaļo̧k ippān ainikien armej ro.
7 A lo, Paan̄kai, im m̧ōttan jab eo in armej ro raar kōņaan bwe en aer kabna, eaar kanooj ļōkatip; kōn menin, eaar itōn m̧oņe armej ro n̄an jutak lōn̄ļo̧k ilo kōpata ņae ro jeir im jatier.
8 Im ālikin men kein ke eaar itōn kōm̧m̧ane men in, lo, kar bōk e, im kar ekajet e ekar n̄an ainikien armej ro, im liaakeļo̧k n̄an mej; bwe eaar jutak lōn̄ļo̧k ilo kōpata im kappukot n̄an ko̧kkure aanemkwōj eo an armej ro.
9 Kiiō ke armej ro raar kōņaan bwe e en aer kabna raar lo bwe ekar liaakeļo̧k n̄an mej; kōn menin raar illu, im lo, raar jilkinļo̧k juon etan Kiskumen, em̧ool n̄an jea in ekajet eo an Peoran, im eaar uror e Peoran ke eaar jijet ioon jea in ekajet eo.
10 Im kar lukwarkwar e jān ro karejeran Peoran; a lo, kanooj kar m̧ōkaj ko eo an Kiskumen bwe ejjeļo̧k juon em̧m̧an eaar maron̄ jibwe e.
11 Im eaar ilo̧k n̄an ro raar jilkinļo̧k e, im raar aolep deļo̧n̄ ilo juon bujen, aaet, im kanejnej kōn aer Rikōm̧anm̧an indeeo, bwe rej jamin naaj ba n̄an jabdewōt armej bwe Kiskumen eaar uror e Peoran.
12 Kōn menin, Kiskumen kar jab jeļā kake e ilubwiljin armej in Nipai, bwe eaar kōjakkōlkōl e ilo iien eo eaar uror e Peoran. Im Kiskumen im kumi eo an, ro raar kōm̧m̧an bujen ippān, raar kapok er ilubwiljin armej ro, ilo wāween eo rej jamin kar lo er; a jon̄an wōt eo ekar lo er kar liaakeļo̧k er n̄an amej.
13 Im kiiō lo, Pākumenai kar jitōn̄ e, ekkar n̄an ainikien armej ro, bwe en riekajet eutiejtata im kabna ioon armej ro, n̄an tōl ilo ijo jikin ļeo jein Peoran; im eaar ekkar n̄an jim̧we eo an. Im aolep men in eaar kōm̧m̧an ilo iiō eo kein kaen̄oul in iiō in tōl an riekajet ro; im eaar wōr jem̧ļo̧kin.
14 Im ālikin men kein ilo iiō eo kein kaen̄oul im juon iiō in iien tōl an riekajet ro, bwe riLeman ro raar aintok ippān doon juon jarin tariņae in em̧m̧aan ro, im kōpooj er kōn jāje ko, im kōn jāje ko reddik im kōn lippo̧ņ ko, im kōn m̧ade ko, im kōn libobo in bar ko, im kōn dipil ko, im kōn aolep mennin tōrak ko otemjeļo̧k.
15 Im raar bar wanlaļļo̧k bwe ren maron̄ jino pata ņae riNipai ro. Im kar tōl er jān juon em̧m̧aan etan eaar Koriantumur; im eaar bwijjin Zaraemla; im eaar juon rijepelļo̧k jān ilubwiljin riNipai ro; im eaar juon em̧m̧aan eļap im kajoor.
16 Kōn menin, kiin̄ eo an riLeman ro, eo etan eaar Tubaloth, eo eaar nejin aAmmoron, eaar ļōmņak bwe Koriantumur, kōnke eaar juon em̧m̧aan ekajoor, eaar maron̄ jutak ņae riNipai ro, kōn kajoor eo an im barāinwōt kōn an mālōtlōt eļap, jon̄an jān kar jilkinļo̧k e en kar kajoor jān riNipai ro—
17 Kōn menin eaar kalim̧otak er n̄an illu, im eaar aintok ippān doon jarin tariņae ko an, im eaar jitōn̄ Koriantumur bwe en aer ritōl, im eaar kōm̧m̧an bwe ren wanlaļļo̧k n̄an āneen Zaraemla n̄an kōpata ņae riNipai ro.
18 Im ālikin men kein kōnke eaar ļap aitwerōk im eļap pen ilo kien eo, raar jab likūt e bwe ribaar ro ilo āneen Zaraemla; bwe raar ļōmņak bwe riLeman ro raar ekkōl in itok ilo ilujeen āneo ko aer n̄an tariņaeik jikin kwelo̧k eļap Zaraemla.
19 A ālikin men kein Koriantumur eaar ilo̧k ijo im̧aan jarin tariņae ko eaar rellōn̄, im ilo̧k ioon ro ilo jikin kwelo̧k eo, im ilo̧k eo aer eaar kanooj m̧ōkaj otem m̧ōkaj bwe eaar ejjeļo̧k iien n̄an riNipai ro n̄an aintok ippān doon jarin tariņae ko aer.
20 Kōn menin Koriantumur eaar jekļo̧k rilale eo iturin deļo̧n̄ļo̧k eo an jikin kwelo̧k eo, im eaar ilo̧k ippān aolepān jarin tariņae eo an ilo jikin kwelo̧k eo, im raar m̧an jabdewōt eo eaar jum̧ae er, jon̄an raar bōk aer aolepān jikin kwelo̧k eo.
21 Im ālikin men kein Pākumenai, eo eaar riekajet eutiejtata, eaar ko im̧aan Koriantumur, em̧ool n̄an wōrwōr ko an jikin kwelo̧k eo. Im ālikin men kein Koriantumur eaar den̄ļo̧ke ņa idipen wōrwōr eo, jon̄an eaar mej. Im āindein eaar jem̧ļo̧k raan ko an Pākumenai.
22 Im kiiō ke Koriantumur eaar lo bwe eaar bōk jikin kwelo̧k in Zaraemla, im kar lo bwe riNipai ro raar ko im̧aer, im kar mej, im kar bōk er, im kar joļo̧k er ilo kalbuuj, im bwe eaar bōk an jikin jojomar ko reppen ilo aolepān āneo, būruōn eaar peran jon̄an eaar itōn ilo̧k ņae aolepān āneo.
23 Im kiiō eaar jab pād ilo āneen Zaraemla, a eaar ilo̧k kōn juon jarin tariņae eļap, em̧oolļo̧k n̄an jikin kwelo̧k in Bun̄-pāļo̧k; bwe eaar an jibadbad n̄an ilo̧k im jek iaļ eo an ļo̧k kōn jāje eo, bwe en maron̄ bōk jikin ko ituiōn̄ in āneo.
24 Im, kōnke kar ļōmņak bwe kajoor eo eļaptata aer eaar pād ituioļapļap in āneo, kōn menin eaar ilo̧k, im leļo̧k n̄an er ejjeļo̧k iien n̄an aintok doon ijello̧kun wōt n̄e eaar ilo ānbwin ko reddik; im ilo wāween in raar wōtlo̧k ioer im jek laļļo̧k er n̄an bwidej.
25 A lo, ilo̧k in an Koriantumur ioļapļap in āneo eaar leļo̧k n̄an Moronaia jekjek em̧m̧anļo̧k ioer, mekarta jon̄an oran eo an riNipai kar m̧an er.
26 Bwe lo, Moronaia eaar ļōmņak bwe riLeman ro raar ekkōl im jab itok ilo ioļapļap in āneo, a bwe renaaj kar m̧urm̧ur i jikin kwelo̧k ipeļaakin tōrerein ko āinwōt raar m̧okta kōm̧m̧an; kōn menin Moronaia eaar kōm̧m̧an bwe jarin tariņae ko aer rekajoor ren pād wōt ilo m̧ōttan ko ipeļaakin ijo iturin tōrerein ko an āneo.
27 A lo, riLeman ro raar jab lōļn̄o̧n̄ kōn kōņaan ko an, a raar itok ilo ioļapļap in āneo, im kar bōk jikin kwelo̧k eo eļap eo eaar jikin kwelo̧k in Zaraemla, im kar m̧aajļo̧k ijoko reaorōktata ilo āneo, m̧anm̧an armej kōn juon im eļap, jim̧or em̧m̧aan ro, kōrā ro, im ajri ro, im bōk aer elōn̄ jikin kwelo̧k ko im elōn̄ jikin tariņae ko reppen.
28 Ak ke Moronaia eaar lo men in, eaar m̧ōkaj an jilkinļo̧k Liai ippān juon jarin tariņae ijoko peļaakin ijo n̄an le im̧aer m̧okta jān aer itok n̄an āneen Bun̄-pāļo̧k.
29 Im āindein eaar; im eaar le im̧aer m̧okta jān aer itok n̄an āneen Bun̄-pāļo̧k, im eaar leļo̧k n̄an er pata, jon̄an raar jino jenlikļo̧k n̄an āneen Zaraemla.
30 Im ālikin men kein Moronaia eaar le im̧aer ilo aer jenlikļo̧k, im eaar leļo̧k n̄an er pata, jon̄an eaar erom juon pata eļap otem ļap kōto̧o̧rļo̧k bōtōktōk ie; aaet, elōn̄ kar m̧an er, im ilubwiljin bōnbōn in ro kar m̧an er aKoriantumur kar lo barāinwōt.
31 Im kiiō, lo, riLeman ro rej jamin kar jenlikļo̧k ijabdewōt iaļ, jab ijo ituiōn̄, ak ijo iturōk, ak ijo iturear, ak ijo iturilik, bwe rekar pooļ ijeņ im ijeņ jān riNipai ro.
32 Im āindein Koriantumur eaar iuunļo̧k riLeman ro ļo̧k ilo ilubwiljin riNipai ro, jon̄an ro raar pād ilo kajoor an riNipai ro, im e make kar m̧an e, im riLeman ro raar ajeļo̧k er make ilo pein riNipai ro.
33 Im ālikin men kein Moronai eaar bōk jikin kwelo̧k in Zaraemla bar juon alen, im kōm̧m̧an bwe riLeman ro kar bōk er rikalbuuj ren diwōjļo̧k jān āneo ilo aenōm̧m̧an.
34 Im āindein eaar jem̧ļo̧k en̄oul im juon iiō in iien tōl an riekajet ro.