Mwakoro 136
Ana taeka ao nanon te Uea, e kaotaki rinanon Beretitenti Brigham Young n te Tabo ni Maeka n Tain te Kamwaitoro, te koraki ake Iteraera, n te Aba ae Omaha, i mataniwiin te Karaanga are Missouri mai maeao, i rarikin Council Bluffs, Iowa.
1–16, E kabwarabwaraaki bwa a na kanga te koraki ake Iteraera ni baireaki ibukin te mwananga nako maeao; 17–27, Aomata aika Itiaki a tuangaki bwa a na maiuakini tua aika mwaiti n te euangkerio; 28–33, A riai Aomata aika Itiaki n anene, mwaie, tataro, ao n reiakina te wanawana; 34–42, Burabeti a tiringaki bwa a aonga ni karineaki ao ake a buakaka a na kabuakakaaki.
1 Ana Taeka ao Nanon te Uea ni kaineti ma te Koraki ake Iteraera ni mwanangaia nako Maeao.
2 A riai ni bane aomata n aAna Ekaretia Iesu Kristo ibukiia Aika Itiaki ni Boong aika Kaitira, ao naake a mwananga ma ngaia, ni baireaki nakon taian kurubu, ma te berita ae tabu ao te berita bwa a na kawakini ni kabane ana tua ao ana kaetieti te Uea ae Atuara.
3 A riai kurubu ni baireaki ma kaaben i aoia abubua, kaaben i aoia nimangaun, ao kaaben i aoia tegaun, ma te beretitenti ao uoman ana taan ibuobuoki bwa aia mataniwi, i an aia kiriiri bAbotoro ake Tengaun ma Uoman.
4 Ao e na riki aio bwa ara aberita ae tabu—bwa ti na bnakonako i nanon ana cotenanti ni kabane te Uea.
5 A riai kurubu n tatabeua nako ni karekei i bukiia maan aika a na katiki aia ka, taian ka, amwarake ma bwaai riki tabeua, kunikai, ao bwaai aika kainnanoaki ibukin te mwananga, are a kona ni karekei.
6 Ngkana a baireaki taian kurubu a riai n nako ma korakoraia, ni katauraoi ibukiia naake a tiku.
7 A riai kurubu n tatabeua nako, ma aia kaaben ao beretitenti, ni baireia bwa mwaitira aika kona n nako n tain bwebweraken aroka are na roko (spring), ngkanne rineia mwaane ae tau mwaitia aika marurung rabwataia ao a mwaatai, bwa a na karekei maan aika a na katiki ka, taian kora, ao bwaai ni mwakuri n te tabo n ununiki, n nako bwa taan moan maeka ni katauraoi ibukin unikakin kaai n amwarake ake a riki n tain rikin aroka.
8 A riai kurubu n tatabeua nako ni uoti tibwangaia aika titebo, ni kaineti ma te tibwatibwa n aia bwai, ni kaineti ma ake a kairiia ake a akainnano, baine ake a mate buuia, cnaake akea tamaia, ao aia utu naake a kaaina te tanga ni buaka, bwa tangiia aine ake akea buuia ao naake akea tamaia a na aki waerake nakon taningan te Uea ni kaitara te botanaomata aei.
9 A riai kurubu n tatabeua nako ni katauraoi taian auti, ao taabo n ununiki ibukin unikan kaai n amwarake, ibukiia naake a na tiku imwiia n te ririki aei, ao bon aio nanon te Uea ibukiia ana botanaomata.
10 A riai aomata ni kabane ni kabongana mwaakaia ao aia bwai ni kamwainga te botanaomata aei nakon te tabo are te Uea e na katea iai te atiteiki i Tion.
11 Ao ngkana kam karaoa aei ma te nano ae itiaki, ma te kakaonimaki raoi, kam na akakabwaiaaki; kam na kakabwaiaaki ni kaineti ma ami nanai ni man aika uarereke, ao n ami nanai ni maan aika bubura, ao n ami tabo n ununiki, ao n ami auti, ao n ami utu.
12 A riai au taan mwakuri Ezra T. Benson ao Erastus Snow ni bairea te kurubu teuana.
13 Ao a riai au taan mwakuri Orson Pratt ao Wilford Woodruff ni bairea te kurubu teuana.
14 A riai naba, au taan mwakuri Amasa Lyman ao George A. Smith ni bairea te kurubu teuana.
15 Ao n rineia beretitenti, ao kaaben i aoia bubua, ao i aoia nimangaun, ao i aoia tengaun.
16 Ao a riai au taan mwaakuri ake a tia n rineaki n nako ao n reirei aio, are nanou, nakoia aomata aika itiaki, bwa aonga n tauraoi n nako nakon te aba ae rau.
17 Naako ni kawaimi ao karaoa are I a tia n tuangkami, ao tai maakuia ami kairiribai, bwa a na akea mwaakaia ni katoka au mwakuri.
18 E na akabooaki Tion n oin au tai.
19 Ao ngkana iai te aomata ae e ukoukora karikirakeana i bon irouna, ao e aki ukoukora au ataeka n reirei, e na akea mwaakana, ao e na kaotaki nanobabana.
20 Kam na ukouke; ao akawakin ni kabane ami berita i marenami; ao tai bmataaiakina are ana bwai tarim.
21 aKawakiningkami man te buakaka n atonga aran te Uea ni bakanrereia, bwa Ngai te Uea ae Atuami, are bAtuaia ami bakatibu, Atuan Aberaam ao Itaaka ao Iakobwa.
22 Bon aNgai teuare e kairiia nako tibun Iteraea mai Aikubita; ao e aroraki baiu ni boong aika kaitira, ni bkamaiua au botanaomata ae Iteraera.
23 Katoka te akakauntaeka i marenami; katoka taekinan te bkabuakaka i marenami.
24 Katoka te amanging; ao a riai ami taeka ni bkarikirakeingkami i marenami.
25 Ngkana ko tangobwai iroun raom, ko na kaoka te bwai are ko atangoia; ao ngkana ko aki kona ni kabooa mwiina ngkanne ko na tuanga raom n te tai naba arei, bwa e kaawa ni kabuakakako.
26 Ngkana ko kunea te bwai ae akabua raom, ko na botumwaaka ni kakaea are ana bwai ni karokoa ko kaokia nakoina.
27 Ko na abotumwaaka ni kawakina are e tia n reke iroum, bwa ko aonga n riki bwa te btia tararua ae wanawana, bwa bon ana bwaintituraoi ae akea boona te Uea ae Atuam, ao bon ngkoe ana tia tararua.
28 Ngkana ko kukurei, kamoamoa te Uea ma te aanene, ma te katangitang, ma te mwaie, ao ma te btataro ni kamoamoa ao ni ckarabwarabwa.
29 Ngkana ko ananokawaki, wetea te Uea ae Atuam ma te bubuti, bwa aonga ni bkukurei tamneimi.
30 Tai maakuia ami kairiribai, bwa a mena i nanon baiu ao N na karaoa are I tangiria nakoia.
31 Au botanaomata a na riai ni akataaki ni bwaai ni kabane, bwa aonga n tauraoi ni butimwaea te bmimitong are iai irou ibukiia, are mimitongin Tion; ao ane e aki butimwaea cboakina e bon aki tau ibukin abanueau.
32 E riai ane e aki atai bwai n reiakina te awanawana man bkarinanoa ao ni wewetea te Uea ae Atuana, bwa a aonga ni kaukaki matana bwa e aonga n nooraba, ao taningana a na kaukaki bwa e aonga n ongo;
33 Bwa aTamneiu e kanakoaki nakon te aonaba bwa e na kaotaia ake a nanorinano ao a raraoma, ao e na kabuakakaia naake a buakaka.
34 Tarimi a tia n aki butimwaingkami ao ami koaua, bon te botanaomata are e a tia ni akakioi ngkami nako.
35 Ao ngkai e a roko bongin karawawatakiia, are boong ni kananokawaki, n aron te aine are rawawata ni bungina; ao e na korakora nanokawakiia ma ti ngkana a waekoa n rairi nanoia, eng n rangi ni kawaekoaa.
36 Bwa a tiringiia burabeti, ao naake a kanakoaki nakoia; ao a tia ni kawawaea te rara ae akea ana bure, are e tang mai i aontano ni kaaitaraia.
37 Ngaia are, tai miimi ni bwaai aikai, bwa kam tuai ni aitiaki, kam tuai kona ni kaitara mimitongiu; ma kam kona n nooria ngkana kam kakaonimaki ni kawakin au taeka ni kabane ake I a tia n banganingkami, man ana bong Atam ni karokoa Aberaam, mai iroun Aberaam ni karokoa Mote, mai iroun Mote ni karokoa Iesu ao ana abotoro, ao mai iroun Iesu ao ana abotoro ni karokoa Iotebwa Timiti, are I weteia rinanoia au canera, au taan mwakuri ni ibuobuoki, ao n oin bwanaau mai karawa, bwa e na kaota au mwakuri.
38 Are e kawenea aana, ao e boni kakaonimaki, ao I anaia nakoiu.
39 A mwaiti aika miimi ibukin matena; ma e bon riai bwa e na akamatoa ana bkoaua ma craraana, bwa e aonga ni karineaki ao ake a buakaka aonga ni kabuakakaaki.
40 I aki tia ni kainaomataingkami mai irouia ami akairiribai, ao ti n te aro aei are I a tia ni katuka te kakoaua ibukin arau?
41 Ngaia are, ngkai, ongora, O au botanaomata n au aekaretia; ao ngkami unimwaane uaia n kakauongo; kam a tia ni karekea babanueau.
42 Botumwaaka ni kawakin au tua ni kabane, bwa e aonga n aki roko i aomi te motikitaeka, ao ni bwaka ami onimaki, ao n tokanikai i aomi aiami. Ngaia are akea moa n te tai aei. Amen ao Amen.