1 Ngkana e na ^akaoti te Tia Kamaiu ti na nooria ni bon arona. Ti na nooria bwa bon te ^baomata n aekara.

2 Ao te iwawaki anne are e riki i buakora ikai e na riki i buakora ikekei, ma e na tii raonaki ma te ^amimitong ae akea tokina, are te mimitong ae ti aki rinanona ngkai.

3 Ioane 14:23—Kaotin te ^aTama ao te ^bNati, n te kibu anne, a bon ^ckaoti n aomata; ao te iango are te Tama ao te Nati a ^dmaeka i nanon te aomata bon aia koaua aaro nako ni kiritian ngkoa, ao e aki koaua.

4 Ni kaeka nakon te titiraki—Tiaki e bon baireaki ana ^atai te Atua, ana tai te anera, ana tai te burabeti, ana tai te aomata, ni kaineti nakon te buraneti are a maeka iai?

5 I kaeka, Eng. Ma akea ^aanera ake a ibuobuoki nakon te aonaba aei ma tii naake kaaina ke a tia ni kaainna.

6 Anera aki maeka i aon te buraneti n aekan te aonaba aei;

7 Ma a maeka i matan te Atua, i aon te aonaba ae aekan ^ataari are te kiraati ao te ^bai, ike bwaai ni kabane ibukin mimitongiia a kaotaki, ngkoa, ngkai, ao n tai aika a na roko, ao a mena n taai nako i matan te Uea.

8 Te tabo ae e maeka iai te Atua bon te ^aUrim ao te Tammim ae korakora.

9 Te ^aaonaba aei, n arona ae katabuaki ao n aki mamate, e na karaoaki n aekan te atibu ae te kiraati ao n riki bwa te Urim ao te Tammim nakoia kaaina ake a maeka iai, mai iai bwaai ni kabane ni kaineti nakon te abanuea ae karako arona, ke abanuea ni kabane aika a rinano aia karinan, a na kaotaki nakoia naake a maeka iai; ao te aonaba aei e na bwainna Kristo.

10 Ngkanne te atibu ae mainaina are e taekinaki n Te Kaotioti 2:17, e na riki bwa te Urim ao te Tammim nakoia n tatabemaniia naake a karekea, ike bwaai ni kaineti nakon abanuea aika rietata riki karinaniia a na kaotaki;

11 Ao te ^aatibu ae mainaina a anganaki n tatabemaniia nako naake a roko nakon te abanuea ae te tiretio, ike e koreaki te ^bara ae boou, ae akea te aomata ae e ataia tii ngkana e karekea. Te ara ae boou bon kiingin taeka.

12 I taetae ni burabeti, n aran te Uea ae te Atua, bwa moanakin ^akangaanga ake a na karika kawawaean te raraa ae korakora i mwaain rokon Natin te Aomata e na riki i ^bSouth Carolina.

13 Tao e kona n reke rinanon te kangaanga n te tautoronaki. E taekina aei nakoiu te bwana, ngke I tataro ma nanou ni koaua i aon aei, n Ritembwa 25, 1832.

14 I tabe n tataro n te taina ma nanou ni koaua ni kan ataa tain ^arokon Natin te Aomata, ngke I ongo te bwana ae e taekina aio:

15 Iotebwa, natiu, ngkana ko maiu ni karokoa e koro wanibwi ma nimaua am ririki, ko na noora matan Natin te Aomata; mangaia are e riai aei n tau, ao tai manga katabetabeai i aon aei.

16 I katukaki n arou aio, n aki kona ni iangoia bwa te roko aei e kaineti nakon moan te tenga n ririki ke nakon kaotina tabeua ake mai i mwaina, ke N na mate ao n noora matana.

17 I kakoaua bwa rokon Natin te Aomata e na aki rimoa nakon te tai anne.

18 Tera karinanin te ^arabakau are ti karekea n te maiu aei, e na iri ma ngaira n te ^bmangauti.

19 Ao ngkana te aomata e karekea te ^aatatai ao te rabakau ae mwaiti n te maiu aei rinanon ana ^bnanomatoa ao ana ^congeaba riki nakon temanna, e na karekea ^drakan arona ae korakora riki n te aonaba ae e na roko.

20 Iai te ^atua, ae aki kona ni bibitaki are e kateaki i karawa ^bi mwaain karikan te aonaba aei, ake a boto i aona ^ckakabwaia ni kabane—

21 Ao ngkana ti karekei kakabwaia nako mai iroun te Atua, bon man te ongeaba nakon te tua anne are boto i aona.

22 Te ^aTama iai ^brabwatana ae te iriko ao te rii ae kona n riingaki n aekan te aomata; te Nati naba; ma te ^cTamnei ae Raoiroi akea rabwatana ae te iriko ao te rii, ma bon te aomata ae te Tamnei. Ngkana tiaki, te Tamnei ae Raoiroi e aki kona ni maeka inanora.

23 Te aomata e kona ni karekea te ^aTamnei ae Raoiroi, ao e kona n ruo nako aona ao n aki tiku irouna.