Alma

Imibhalo Lengcwele

INcwadzi yaMormon

Contents
Sendvulelo naboFakazi
1 Nefi
2 Nefi
Jakobe
Enoshi
Jaromu
Omni
EmaVi aMormon
Mosiya
Alma
Helamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Alma

Sehluko 1
Nehori ufundzisa timfundziso letingemanga, usungula libandla, ucalisa buphristimbumbulu, futsi ubulala Gideyoni—Nehori ubulawela emacala akhe—Buphristimbumbulu kanye nekuhlushwa kuyandza emkhatsini webantfu—Baphristi batondla bona, bantfu banakekela labamphofu, liBandla liyaphumelela. Cishe ngemnyaka wema-91–88 ngaphambi kwekutalwa kwaKhristu.
Sehluko 2
Amlisi ufuna kuba yinkhosi futsi uyalahlwa ngelivi lebantfu—Balandzeli bakhe bamenta inkhosi—Ema-Amlisi alwa nemaNefi futsi ayehlulwa—EmaLamani kanye nema-Amlisi ahlanganisa emabutfo futsi ayehlulwa—Alma ubulala Amlisi. Cishe ngemnyaka wema-87 ngaphambi kwekutalwa kwaKhristu.
Sehluko 3
Ema-Amlisi abesekatibeke luphawu ngekwelivi lesiphrofetho—EmaLamani abesekacalikisiwe ngekuhlamuka kwawo—Bantfu batiletsela ticalekiso tabo lucobo etikwabo—EmaNefi ehlula lelinye libutfo lemaLamani. Cishe ngemnyaka wema-87–86 ngaphambi kwekutalwa kwaKhristu.
Sehluko 4
Alma ubhabhatisa tinkhulungwane talabaphendvukako—Bubi bungena eBandleni, futsi inchubekelaphambili yeliBandla iyavimbeleka—Nefiha ukhetfwa kutsi abengumehluleli lomkhulu—Alma, njengemphristi lomkhulu, utinikela emsebentini. Cishe ngemnyaka wema-86–83 ngaphambi kwekutalwa kwaKhristu.
Sehluko 5
Kute batfole insindziso, bantfu kufanele baphendvuke futsi bagcine imiyaleto, batalwe kabusha, bahlante tembatfo tabo engatini yaKhristu, batfobeke futsi batihlubule ekutikhukhumeteni kanye nesekuhawukeleni, bente imisebenti yekulunga—uMelusi loLungile ubita bantfu Bakhe. Labo labenta imisebenti yebubi babantfwana badeveli—Alma ufakaza ngeliciniso lemfundziso yakhe futsi uyaleta bantfu kutsi baphendvuke—Emagama alabalungile atawubhalwa encwadzini yekuphila. Cishe ngemnyaka wema-83 ngaphambi kwekutalwa kwaKhristu.
Sehluko 6
LiBandla eZarahemla liyahlanjululwa futsi liyahlelwa—Alma uya eGideyoni kuyoshumayela. Cishe ngemnyaka wema-83 ngaphambi kwekutalwa kwaKhristu.
Sehluko 7
Khristu utawutalwa nguMariya—Utawucekisa tibopho tekufa futsi atfwale tono tebantfu Bakhe—Labo labaphendvukako, lababhajatiswako, futsi labagcina imiyaleto batawuba nekuphila lokuphakadze—Kungcola ngeke kulidle lifa lembuso waNkulunkulu—Kutfobeka, lukholo, litsemba kanye nelutsandvo kuyadzingeka. Cishe ngemnyaka wema-83 ngaphambi kwekutalwa kwaKhristu.
Sehluko 8
Alma uyashumayela futsi ubhabhatisa eMeleki—Bayamala e-Amoniha futsi uyashiya—Ingilosi imyaleta kutsi abuyele khona amemetele kubantfu—Wemukelwa ngu-Amuleki, futsi bobabili bayashumayela e-Amoniha. Cishe ngemnyaka wema-82 ngaphambi kwekutalwa kwaKhristu.
Sehluko 9
Alma uyaleta bantfu baka-Amoniha kutsi baphendvuke—INkhosi itawuba nemusa kumaLamani ngemalanga ekugcina—Uma emaNefi akulahla kukhanya, atawubhujiswa ngemaLamani—INdvodzana yaNkulunkulu itawubuya masinyane—Itawuhlenga labo labaphendvukako, babhajatiswe, futsi babe nelukholo egameni Layo. Cishe ngemnyaka wema-82 ngaphambi kwekutalwa kwaKhristu.
Sehluko 10
Lehi wentalelwane yaManase—Amuleki ulandzisa ngemyaleto wengilosi wekutsi anakekele Alma—Imithandazo yalabalungile yenta bantfu basindziswe—Tatimtsetfo letingakalungi kanye nebehluleli babeka sisekelo sekubhujiswa kwebantfu. Cishe ngemnyaka wema-82 ngaphambi kwekutalwa kwaKhristu.
Sehluko 11
Luhlelo lwemali lwemaNefi luyachazwa—Amuleki ubanga naZezromu—Khristu akatubasindzisa bantfu labasetonweni tabo—Ngulabo labadla lifa lembuso welizulu kuphela labasindziswako—Bonkhe bantfu batawuvukela ekungabhubhini—Kute kufa emvakweKuvuka. Cishe ngemnyaka wema-82 ngaphambi kwekutalwa kwaKhristu.
Sehluko 12
Alma ukhuluma naZezromu—Timfihlakalo taNkulunkulu tinganiketwa kulabatsembekile kuphela—Bantfu behlulelwa ngemicabango, ngetinkholelo, ngemavi, kanye nangemisebenti yabo—Lababi batawuva kufa kwakamoya—Lemphilo yasemhlabeni isikhatsi sekulingwa—Lisu lekuhlengwa liletsa Kuvuka futsi, ngelukholo, nekutsetselelwa kwetono—Labaphendvukako bangabutfola bubele ngeNdvodzana leTelwe Yodvwa. Cishe ngemnyaka wema-82 ngaphambi kwekutalwa kwaKhristu.
Sehluko 13
Emadvodza abitwa kutsi abe baphristi labakhulu ngenca yelukholo lwawo lolukhulu kanye nemisebenti yawo lemihle—Kufanele afundzise imiyaleto—Ngenca yekwenta kulunga ayangcweliswa futsi angena ekuphumuleni kweNkhosi—Melkhisedeki bekangumunye walaba—Tingilosi timemetela tindzaba letimnandzi eveni lonkhe—Titawumemetela kuta lokungiko kwaKhristu. Cishe ngemnyaka wema-82 ngaphambi kwekutalwa kwaKhristu.
Sehluko 14
Alma na-Amuleki bayaboshwa baphindze bayashaywa—Emakholwa kanye nemibhalo yawo lengcwele ashiswa ngemlilo—Laba bafelinkholo bemukelwa yiNkhosi enkhatimulweni—Tindvonga telijele tiyachekeka futsi tiyawa—Alma kanye na-Amuleki bayakhululwa, futsi laba lababahluphako bayabulawa. Cishe ngemnyaka wema-82–81 ngaphambi kwekutalwa kwaKhristu.
Sehluko 15
Alma kanye na-Amuleki baya eSidomu futsi basungula libandla—Alma welapha Zezromu, longenela liBandla—Labanyenti bayabhajatiswa, neliBandla liyaphumelela—Alma na-Amuleki baya eZarahemla. Cishe ngemnyaka wema-81 ngaphambi kwekutalwa kwaKhristu.
Sehluko 16
EmaLamani abulala bantfu baka-Amoniha—Zoramu uholela emaNefi ekuncobeni emaLamani—Alma na-Amuleki kanye nalabanye labanyenti bashumayela livi—Bafundzisa kutsi emvakweKuvuka Kwakhe Khristu uyawuvela kumaNefi. Cishe ngemnyaka wema-81–77 ngaphambi kwekutalwa kwaKhristu.
Sehluko 17
Emadvodzana aMosiya anemoya wekuphrofetha kanye newekwembulelwa—Ahamba tindlela tawo letehlukene kuyawumemetela livi kumaLamani—Amoni uya eveni la-Ishmayeli futsi uba yinceku yeNkhosi Lamoni—Amoni usindzisa imfuyo yenkhosi futsi ubulala titsa tayo emantini aseSebusi. Emavesi 1–3, cishe ngemnyaka wema-77 ngaphambi kwekutalwa kwaKhristu; livesi 4, cishe ngemnyaka wema-91–77 ngaphambi kwekutalwa kwaKhristu; kanye nemavesi 5–39, cishe ngemnyaka wema-91 ngaphambi kwekutalwa kwaKhristu.
Sehluko 18
INkhosi Lamoni icabanga kutsi Amoni unguMoya loMkhulu—Amoni ufundzisa inkhosi ngeNdalo, ngekusebenta kwaNkulunkulu kubantfu, kanye nangekuhlengwa lokuta ngaKhristu—Lamoni uyakholwa futsi uwela phansi shangatsi ufile. Cishe ngemnyaka wema-90 ngaphambi kwekutalwa kwaKhristu.
Sehluko 19
Lamoni utfola kukhanya kwekuphila lokuphakadze futsi ubona uMhlengi—Indlu yakhe iyaculeka futsi labanyenti babona tingilosi—Amoni uyalondvolotwa ngalokumangalisako—Ubhabhatisa labanyenti futsi usungula libandla emkhatsini wabo. Cishe ngemnyaka wema-90 ngaphambi kwekutalwa kwaKhristu.
Sehluko 20
INkhosi itfumela Amoni eMidoni kutsi ayokhulula bomnakabo lababoshiwe—Amoni kanye naLamoni bahlangana neyise waLamoni, loyinkhosi eveni lonkhe—Amoni uphocelela inkhosi lendzala kutsi ivume kukhululwa kwabomnakabo. Cishe ngemnyaka wema-90 ngaphambi kwekutalwa kwaKhristu.
Sehluko 21
Aroni ufundzisa ema-Amaleki ngaKhristu kanye nangeNhlawulo Yakhe—Aroni kanye nabomnakabo bayaboshwa eMidoni—Emvakwekukhululwa kwabo, bafundzisa emasinagogeni futsi benta labanyenti baphendvuke—Lamoni uvumela inkhululeko yenkholo kubantfu eveni la-Ishmayeli. Cishe ngemnyaka wema-90–77 ngaphambi kwekutalwa kwaKhristu.
Sehluko 22
Aroni ufundzisa uyise waLamoni ngeNdalo, ngekuwa kwa-Adamu, kanye nangelisu lekuhlengwa ngaKhristu—Inkhosi kanye nendlu yayo yonkhe bayaphendvuka—Kuhlukana kwelive emkhatsini wemaNefi kanye nemaLamani kuyachazwa. Cishe ngemnyaka wema-90–77 ngaphambi kwekutalwa kwaKhristu.
Sehluko 23
Inkhululeko yenkholo iyamenyetelwa—EmaLamani lasemaveni kanye nasemadolobheni lasikhombisa ayaphendvuka—Atibita ngema Anti Nefi Lehi futsi sicalekiso siyesuswa kuwo—Ema-Amaleki kanye nema-Amuloni ayalilahla liciniso. Cishe ngemnyaka wema-90–77 ngaphambi kwekutalwa kwaKhristu.
Sehluko 24
EmaLamani alwa nebantfu baNkulunkulu—Ema-Anti Nefi Lehi atfokota kuKhristu futsi avakashelwa tingilosi—Bakhetsa kumelana nekufa kunekutsi bativikele—EmaLamani lamanyenti ayaphendvuka. Cishe ngemnyaka wema-90–77 ngaphambi kwekutalwa kwaKhristu.
Sehluko 25
Ludlame lwemaLamani luyandza—Intalelwane yebaphristi baNowa iyabhubha njengobe Abinadi aphrofetha—EmaLamani lamanyenti ayaphendvuka futsi ahlangana nebantfu bema-Anti Nefi Lehi—Bakholwa kuKhristu futsi bagcina umtsetfo waMosi. Cishe ngemnyaka wema-90–77 ngaphambi kwekutalwa kwaKhristu.
Sehluko 26
Amoni utfokota eNkhosini—Labakholwako baciniswa yiNkhosi baphindze baniketwa lwati—Ngelukholo bantfu bangaletsa tinkhulungwane tebantfu ekuphendvukeni—Nkulunkulu unawo onkhe emandla futsi ucondza tonkhe tintfo. Cishe ngemnyaka wema-90–77 ngaphambi kwekutalwa kwaKhristu.
Sehluko 27
INkhosi iyaleta Amoni kutsi aholele bantfu baka-Anti Nefi Lehi ekuphepheni—Ekuhlanganeni na-Alma, injabulo ya-Amoni icedza emandla akhe—EmaNefi aniketa ema-Anti Nefi Lehi live laseJeshoni—Babitwa ngebantfu ba-Amoni. Cishe ngemnyaka wema-90–77 ngaphambi kwekutalwa kwaKhristu.
Sehluko 28
EmaLamani ayehlulwa emphini lenkhulu kakhulu—Emashumi etinkhulungwane ayabulawa—Lababi bayiswa esimeni selusizi lolungapheli; labalungile batfola injabulo lengapheli nanini. Cishe ngemnyaka wema-77–76 ngaphambi kwekutalwa kwaKhristu.
Sehluko 29
Alma ufisa kumemetela kuphendvuka ngenshisekelo yetingilosi—INkhosi inika tive tonkhe bafundzisi—Alma utfokota ngemsebenti weNkhosi kanye nemphumelelo ya-Amoni nabomnakabo. Cishe ngemnyaka wema-76 ngaphambi kwekutalwa kwaKhristu.
Sehluko 30
Korihori, umphikaKhristu, uhlekisa ngaKhristu, nangeNhlawulo, kanye nangamoya wekuphrofetha—Ufundzisa kutsi kute Nkulunkulu, kute kuwa kwemuntfu, asikho sijeziso sesono, nekutsi kute Khristu—Alma ufakaza ngekutsi Khristu utawuta nekutsi tonkhe tintfo tikhomba kutsi Nkulunkulu ukhona—Korihori ufuna sibonakaliso futsi ushaywa ngekutsi akhoni kukhuluma—Develi uvele kuKorihori njengengilosi wamfundzisa kutsi atsini—Korihori ugcotjwa phansi futsi uyafa. Cishe ngemnyaka wema-76–74 ngaphambi kwekutalwa kwaKhristu.
Sehluko 31
Alma uhola umsebenti wekuyobuyisa emaZoramu lahlubukile—EmaZoramu ayamphika Khristu, akholelwa emcondvweni longemanga welukhetfo, futsi advumisa ngemithandazo lehleliwe—Bafundzisi belivangeli bagcwaliswa ngaMoya loNgcwele—Tinhlupheko tabo tiyenganywa enjabulweni yaKhristu. Cishe ngemnyaka wema-74 ngaphambi kwekutalwa kwaKhristu.
Sehluko 32
Alma ufundzisa labamphofu labatfotjiswe tinhlupheko tabo—Lukholo kutsembela kuloko lokungabonwa lokuliciniso—Alma ufakaza kutsi tingilosi tifundzisa besilisa, besifazane, kanye nebantfwana—Alma ucatsanisa livi nenhlanyelo—Kufanele lihlanyelwe futsi londliwe—Bese likhula liba sihlahla lekukhiwa kuso sitselo sekuphila lokuphakadze. Cishe ngemnyaka wema-74 ngaphambi kwekutalwa kwaKhristu.
Sehluko 33
Zenoshi wafundzisa kutsi bantfu kumele bathandaze futsi bakhonte kuto tonkhe tindzawo, nekutsi tehlulelo tiyesuswa ngenca yeNdvodzana—Zenokhi wafundzisa kutsi bubele bunikwa ngenca yeNdvodzana—Mosi waphakamisa luphawu lweNdvodzana yaNkulunkulu asehlane. Cishe ngemnyaka wema-74 ngaphambi kwekutalwa kwaKhristu.
Sehluko 34
Amuleki ufakaza kutsi livi lensindziso likuKhristu—Ngaphandle kwekutsi inhlawulo yentiwe, lonkhe luntfu kufanele lubhubhe—Wonkhe umtsetfo waMosi ukhomba kumhlatjelo weNdvodzana yaNkulunkulu—Lisu laphakadze lekuhlengwa lisekelwe elukholweni kanye nasekuphendvukeni—Thandazela tibusiso tesikhashana kanye netakamoya—Lemphilo lena sikhatsi sekutsi bantfu batilungiselele kuhlangana naNkulunkulu—Sebentelani kusindziswa kwenu ngekwesaba phambi kwaNkulunkulu. Cishe ngemnyaka wema-74 ngaphambi kwekutalwa kwaKhristu.
Sehluko 35
Kushunyayelwa kwelivi kucedza bucili bemaZoramu—Bacosha labaphendvukako, lekutsi emvakwaloko batihlanganise nebantfu baka-Amoni eJeshoni—Alma uyadzabuka ngenca yebubi bebantfu. Cishe ngemnyaka wema-74 ngaphambi kwekutalwa kwaKhristu.
Sehluko 36
Alma ufakaza kuHelamani ngekuphendvuka kwakhe emvakwekubona ingilosi—Weva buhlungu bemphefumulo lojezisiwe; wabita libito laJesu, futsi emvakwaloko wabese utalwa nguNkulunkulu—Injabulo lemnandzi yagcwalisa umphefumulo wakhe—Ubona ticuku tetingilosi tidvumisa Nkulunkulu—Labanyenti labagucukile bavile futsi babona njengobe naye avile futsi wabona. Cishe ngemnyaka wema-74 ngaphambi kwekutalwa kwaKhristu.
Sehluko 37
Bongcwengcwe belitfusi naleminye imibhalo lengcwele kuyagcinwa kute kuletse bantfu ensindzisweni—EmaJaredi abhujiswa ngenca yebubi bawo—Tifungo kanye netivumelwano tawo letiyimfihlo kufanele kungavetwa ebantfwini—Tfolani seluleko eNkhosini ekwenteni kwenu konkhe—Njengobe iLiyahona yacondzisa emaNefi, kanjalo nelivi laKhristu liholela bantfu ekuphileni lokuphakadze. Cishe ngemnyaka wema-74 ngaphambi kwekutalwa kwaKhristu.
Sehluko 38
Shibloni wahlushwa ngenca yekulunga—Insindziso ikuKhristu, lokuphila kanye nekukhanya kwemhlaba—Fakani ematomu kuyo yonkhe imizwa yenu. Cishe ngemnyaka wema-74 ngaphambi kwekutalwa kwaKhristu
Sehluko 39
Sono sekulalana sisinengiso—Tono taKhoriyantoni tavimbela emaZoramu ekumukeleni livi—Kuhlengwa kwaKhristu kuyakhona kusindzisa labakholwako labebaphila kungakentiwa. Cishe ngemnyaka wema-74 ngaphambi kwekutalwa kwaKhristu.
Sehluko 40
Khristu ufeza kuvuswa kwebantfu bonkhe—Labafile labalungile baya epharadisi kutsi lababi baye ebumnyameni lobungephandle kute bayolindzela lilanga lekuvuka—Tonkhe tintfo titawubuyiselwa esicwini sato lesifanele kanye nalesiphelele ngeKuvuka. Cishe ngemnyaka wema-74 ngaphambi kwekutalwa kwaKhristu.
Sehluko 41
EKuvukeni bantfu bavuka basesimeni senjabulo lengapheli noma lusizi lolungapheli—Bubi abukate nanini bube yinjabulo—Bantfu labanaka kwenyama bete Nkulunkulu emhlabeni—Wonkhe umuntfu eKubuyiselweni uyawuphindze atfole similo kanye nebunjalo bakhe labutfola asesemhlabeni. Cishe ngemnyaka wema-74 ngaphambi kwekutalwa kwaKhristu.
Sehluko 42
Kuba nemtimba lobhubhako sikhatsi sekuvivinywa lesivumela umuntfu kutsi aphendvuke futsi asebentele Nkulunkulu—Kuwa kwaletsa kufa kwenyama nekwakamoya kuwo wonkhe umuntfu—Kuhlengwa kuta ngekuphendvuka—Nkulunkulu Yena lucobo lwakhe uhlawulela tono temhlaba—Bubele balabo labaphendvukako—Bonkhe labanye bangaphansi kwekulunga kwaNkulunkulu—Bubele buta ngenca yeNhlawulo—Ngulabo labaphendvuka ngekweliciniso labasindziswako. Cishe ngemnyaka wema-74 ngaphambi kwekutalwa kwaKhristu.
Sehluko 43
Alma kanye nemadvodzana akhe bashumayela livi—EmaZoramu kanye nalabanye labahlubukile bemaNefi baba ngemaLamani—EmaLamani alwa nemaNefi emphini—Moroni uhlomisa emaNefi ngetikhali tekutivikela—INkhosi yembulela Alma lisu lemaLamani—EmaNefi avikela emakhaya awo, inkhululeko yawo, imindeni yawo, kanye nenkholo yawo—Emabutfo aMoroni kanye naLehi atungeleta emaLamani. Cishe ngemnyaka wema-74 ngaphambi kwekutalwa kwaKhristu.
Sehluko 44
Moroni uyaleta emaLamani kutsi ente sivumelwano sekuthula noma babhujiswe—Zerahemna uyasala lesi siphakamiso, imphi iyacala futsi—Emabutfo aMoroni ayawancoba emaLamani. Cishe ngemnyaka wema-74–73 ngaphambi kwekutalwa kwaKhristu.
Sehluko 45
Helamani uyawakholwa emavi a-Alma—Alma uphrofetha ngekubhujiswa kwemaNefi—Uyalibusisa uphindze uyalicalekisa live—Alma kungenteka kutsi watsatfwa nguMoya wenyuka, njengaMosi—Kuphikisana kuyandza eBandleni. Cishe ngemnyaka wema-73 ngaphambi kwekutalwa kwaKhristu.
Sehluko 46
Amalikhiya wenta lisu lekuba yinkhosi—Moroni uphakamisa sibonakaliso senkhululeko—Uhlanganisa bantfu kutsi bavikele inkholo yabo—Labakholwa ngekweliciniso babitwa ngemaKhristu—Insali yaJosefa iyolondvolotwa—Amalikhiya kanye nebahlubuki babalekela eveni laNefi—Labo labangeke bayisekele imigomo yenkhululeko bayabulawa. Cishe ngemnyaka wema-73–72 ngaphambi kwekutalwa kwaKhristu.
Sehluko 47
Amalikhiya usebentisa inkhohliso, kubulala, kanye nemachinga kute abe yinkhosi yemaLamani—Emahlubuka emaNefi akhohlakele futsi anebudlova kwengca emaLamani. Cishe ngemnyaka wema-72 ngaphambi kwekutalwa kwaKhristu.
Sehluko 48
Amalikhiya uphehla emaLamani ngalokumelene nemaNefi—Moroni ulungiselela bantfu bakhe kutsi bavikele timiso temaKhristu—Utfokotela inkhululeko nekukhululeka futsi uyinceku lenemandla yaNkulunkulu. Cishe ngemnyaka wema-72 ngaphambi kwekutalwa kwaKhristu.
Sehluko 49
EmaLamani lahlaselako akakhoni kutsatsa emadolobha lacinisiwe ase-Amoniha newakaNowa—Amalikhiya ucalekisa Nkulunkulu futsi uyafunga kutsi utawuyinatsa ingati yaMoroni—Helamani kanye nabomnakabo bayachubeka nekucinisa liBandla. Cishe ngemnyaka wema-72 ngaphambi kwekutalwa kwaKhristu.
Sehluko 50
Moroni ucinisa emave emaNefi—Bakha emadolobha lamanyenti lamasha—Timphi kanye nekubhujiswa kwehlela emaNefi ngemalanga ebubi kanye netinengiso tabo—Moriyantoni kanye nemahlubuka akhe behlulwa nguTheyankhumi—Nefiha uyafa, futsi indvodzana yakhe Phahorani utsatsa sihlalo sekwehlulela. Cishe ngemnyaka wema-72–67 ngaphambi kwekutalwa kwaKhristu.
Sehluko 51
Bantfu benkhosi bafuna kushintja umtsetfo baphindze babeke inkhosi—Phahorani kanye nebantfu benkhululeko basekelwa livi lebantfu—Moroni uphocelela bantfu benkhosi kutsi bavikele live labo noma babulawe—Amalikhiya kanye nemaLamani batfumba labanyenti emadolobheni lacinisiwe—Theyankhumi ucosha kuhlasela kwemaLamani futsi ubulala Amalikhiya ethendeni lakhe. Cishe ngemnyaka wema-67–66 ngaphambi kwekutalwa kwaKhristu.
Sehluko 52
Amoroni ulandzela Amalikhiya njengenkhosi yemaLamani—Moroni, Theyankhumi, kanye naLehi bahola emaNefi emphini labancoba kuyo emaLamani—Lidolobha laMuleki liphindze liyatsatfwa, naJakobe umZoramu uyabulawa. Cishe ngemnyaka wema-66–64 ngaphambi kwekutalwa kwaKhristu.
Sehluko 53
Tiboshwa temaLamani tisetjentiswa kucinisa lidolobha iNala—Kuphikisana emkhatsini wemaNefi kwenta kutsi emaLamani ancobe—Helamani utsatsa sikhundla sekuba ngumekhuti wemajaha latinkhulungwane letimbili langemadvodzana ebantfu ba-Amoni. Cishe ngemnyaka wema-64–63 ngaphambi kwekutalwa kwaKhristu.
Sehluko 54
Amoroni naMoroni bacocisana ngekushintjiselana ngetiboshwa—Moroni ufuna kutsi emaLamani ahocise futsi ayekele kuhlasela kwawo ngekubulala—Amoroni ufuna kutsi emaNefi abeke phansi tikhali tawo bese aba ngephansi kwemaLamani. Cishe ngemnyaka wema-63 ngaphambi kwekutalwa kwaKhristu.
Sehluko 55
Moroni uyala kushintjisa ngetiboshwa—Bogadzi bemaLamani bahehwa ngekutsi badzakwe, netiboshwa temaNefi tiyakhululwa—Lidolobha laGidi litsatfwa ngaphandle kwekucitsa ingati. Cishe ngemnyaka wema-63–62 ngaphambi kwekutalwa kwaKhristu.
Sehluko 56
Helamani utfumela incwadzi kuMoroni, ulandzisa ngesimo semphi nemaLamani—Antipusi naHelamani bazuza kuncoba lokukhulu kumaLamani—Emajaha latinkhulungwane letimbili langemadvodzana aHelamani alwa ngemandla lamangalisako, futsi kute namunye kuwo lobulawako. Livesi 1, cishe ngemnyaka wema-62 ngaphambi kwekutalwa kwaKhristu; emavesi 2–19, cishe ngemnyaka wema-66 ngaphambi kwekutalwa kwaKhristu; nemavesi 20–57, cishe ngemnyaka wema-65–64 ngaphambi kwekutalwa kwaKhristu.
Sehluko 57
Helamani ulandzisa ngekutsatfwa kwe-Antipara nekunikelwa kanye nekuvikelwa kweKhumeni muva—Emajaha akhe ema-Amoni alwa ngesibindzi; onkhe ayalimala, kodvwa kute nalinye lelibulawako—Gidi ubika ngekubulawa kanye nekweca kwetiboshwa temaLamani. Cishe ngemnyaka wema-63 ngaphambi kwekutalwa kwaKhristu.
Sehluko 58
Helamani, Gidi, kanye naTheyomneri batsatsa lidolobha laseManti ngelicebo—EmaLamani ayahlehla—Emadvodzana ebantfu ba-Amoni ayalondvolotwa njengobe eme acinile ekuvikeleni inkhululeko kanye nelukholo lwawo. Cishe ngemnyaka wema-63–62 ngaphambi kwekutalwa kwaKhristu.
Sehluko 59
Moroni ucela Phahorani kutsi acinise emabutfo aHelamani—EmaLamani atsatsa lidolobha laseNefiha—Moroni uwutfukutselele umbuso. Cishe ngemnyaka wema-62 ngaphambi kwekutalwa kwaKhristu.
Sehluko 60
Moroni ukhonona kuPhahorani ngekunganakekelwa kwemabutfo ngumbuso—INkhosi ivumela labalungile kutsi babulawe—EmaNefi kufanele asebentise emandla awo kanye netindlela tawo tonkhe kute atikhulule etitseni tawo—Moroni uhlongota kulwa nembuso ngaphandle uma emabutfo akhe aniketwe lusito. Cishe ngemnyaka wema-62 ngaphambi kwekutalwa kwaKhristu.
Sehluko 61
Phahorani utjela Moroni ngelutfutfuva kanye nekuvukela umbuso—Bantfu benkhosi batsatsa iZarahemla baphindze bahlangana nemaLamani—Phahorani ucela lusito lwemasotja lwekumelana nemavukelambuso. Cishe ngemnyaka wema-62 ngaphambi kwekutalwa kwaKhristu.
Sehluko 62
Moroni uyahamba uyawuniketa lusito kuPhahorani eveni laGideyoni—Bantfu benkhosi labangafuni kuvikela live labo bayabulawa—Phahorani kanye naMoroni baphindze bayayitsatsa iNefiha—EmaLamani lamanyenti ahlangana nebantfu ba-Amoni—Theyankhumi ubulala Amoroni futsi naye ngalokunjalo uyabulawa—EmaLamani ayakhishwa eveni, futsi kucinisekisa kuthula—Helamani ubuyela emsebentini uphindze wakha liBandla. Cishe ngemnyaka wema-62–57 ngaphambi kwekutalwa kwaKhristu.
Sehluko 63
Shibloni naHelamani muva batsatsa imibhalo lengcwele iba ngeyabo—EmaNefi lamanyenti ahamba aya eveni lelingasenyakatfo—Hagothi wakha imikhumbi, lehamba elwandle lolusenshonalanga—Moroniha wehlula emaLamani emphini, Cishe ngemnyaka wema-56–52 ngaphambi kwekutalwa kwaKhristu.